2026 жылғы 1 қаңтардан бастап жаңа Салық кодексіне сәйкес салықтық тексерулерді жүргізу тәртібіне өзгерістер енгізілді.
САЛЫҚТЫҚ ТЕКСЕРУЛЕРДІҢ ТҮРЛЕРІ:
Кешенді тексеру – салық міндеттемелерінің орындалуын жан-жақты тексеру;
Тақырыптық тексеру – жекелеген салықтық мәселелерді тексеру;
Қарсы тексеру – салық төлеушілер арасындағы операцияларды нақтылау;
Хронометраждық зерттеп-қарау – қызметтің нақты көрсеткіштерін анықтау.
ТЕКСЕРУ ЖҮРГІЗУ ТӘРТІБІ
Салықтық тексеру тиісті нұсқама негізінде жүргізіледі. Тексерудің жалпы мерзімі – 30 жұмыс күні. Заңнамада көзделген жағдайларда бұл мерзім ұзартылуы мүмкін.
САЛЫҚ ТӨЛЕУШІЛЕРДІҢ ҚҰҚЫҚТАРЫ:
Тексерудің негіздері мен тәртібі туралы ақпарат алу;
Тексерушілердің қызметтік куәліктері мен нұсқамасын талап ету;
Тексеру нәтижелері бойынша түсініктеме және қарсылық білдіру;
Мемлекеттік кірістер органдарының шешімдеріне шағымдану;
Өз құқықтары мен заңды мүдделерін қорғау.
МАҢЫЗДЫ!
Салықтық тексеру барысында салық төлеушілердің құқықтарын сақтау және тексеру рәсімдерінің ашықтығын қамтамасыз ету – мемлекеттік кірістер органдарының негізгі міндеттерінің бірі.
Құқықтық негіз: ҚР Салық кодексінің 151–163 және 169-баптары.
#законипорядок
#заңментәртіп
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
