Қазақстанның Шәкәрім университетінің Басқарма төрағасы – ректоры, профессор Думан Орынбеков бастаған делегация Түркияның Измир қаласындағы Докуз Эйлюль университетіне (Dokuz Eylül Üniversitesi) жұмыс сапарымен барды.
Сапар аясында қазақстандық делегация Докуз Эйлюль университеті ректорының орынбасары, профессор Хамди Шүкүр Қылычпен кездесті.
Кездесу барысында тараптар ветеринария, биоинженерия, түркітану және шет тілдері салаларындағы академиялық ынтымақтастықты дамыту, бірлескен ғылыми жобаларды жүзеге асыру және университетаралық байланыстарды кеңейту мәселелерін талқылады.
Сонымен қатар екі жоғары оқу орны арасында ынтымақтастық туралы хаттама әзірлеу және оның негізгі бағыттарын айқындау жөнінде пікір алмасты.
Аталған кездесу Қазақстан мен Түркия арасындағы білім және ғылым салаларындағы серіктестікті одан әрі нығайтуға бағытталған маңызды қадам болды.
