2 қазан күні аудандық мәдениет үйінде Қарттар күніне арналған салтанатты іс-шара өтті.
Бұл күні залда артында адал еңбек жылдары, мол өмірлік тәжірибесі мен Айыртау ауданының дамуына қосқан елеулі үлесі бар ардагерлер бас қосты.
Жиналған қауымды Айыртау ауданының әкімі Мейрам Жақсылықұлы Мендыбаев жылы лебізімен құттықтады.
Іс-шара барысында көп жылғы еңбегі, белсенді азаматтық ұстанымы және ауданның дамуына қосқан үлесі үшін бір топ еңбек ардагеріне Айыртау ауданы әкімінің Алғыс хаттары табысталды.
Салтанатты кездесуді Айыртау аудандық ардагерлер кеңесінің төрағасы Серікбай Шәріпұлы Туралинов жалғастырды. Өз сөзінде ол Ардагерлер кеңесінің атқарып жатқан жұмысына тоқталып, ауданда аға буын өкілдерінің белсенді әрі толыққанды өмір сүруіне барлық жағдай жасалғанын атап өтті.
Мәдениет мекемелеріне, кітапханаларға және спорт нысандарына қолжетімділікке ерекше көңіл бөлінеді. Аудан ардагерлері ауданның мәдени және қоғамдық өміріне белсенді атсалысып келеді. Жыл бойы түрлі іс-шаралар, көркемөнерпаздар ұжымдарының байқаулары мен фестивальдері өткізіледі.
Ардагерлер еліміздің және ауданымыздың қоғамдық-саяси өмірінен де шет қалған емес. Белсенді азаматтық ұстанымы, Айыртау ауданының әлеуметтік-экономикалық дамуына қосқан елеулі үлесі және Қарттар күніне орай аудандық Ардагерлер кеңесі төрағасының Алғыс хаттарымен еңбек ардагерлері — Алтынай Ахметова, Николай Иванович Кудашкин және Александр Иванович Кравченко марапатталды.
Мерекелік кездесу концерттік бағдарламамен жалғасты. Қонақтарға жергілікті шығармашылық ұжымдар, сондай-ақ арнайы шақырылған өнерпаздар — «Бәйтерек» тобы мен Қазақстанның халық әртісі Бауыржан Исаев өнер көрсетті.
Бұл мереке тағы бір мәрте жас ұлғаюы — белсенді өмір сүруге кедергі емес екенін көрсетті. Бұл — мол тәжірибе, даналық пен еңбектің жылдары. Ал аға буынға көңіл бөлу және құрмет көрсету — сақтап, кейінгі ұрпаққа жеткізу маңызды игі дәстүр.
