Абай облысының Бесқарағай аудандық соты мал ұрлығын бірнеше рет жасағаны үшін 11 адамға қатысты қылмыстық іс бойынша үкім шығарды. Оларға алты жылға дейінгі мерзімге бас бостандығынан айыру жазасы тағайындалды.
Тергеуді Бесқарағай аудандық полиция бөлімінің қызметкерлері жүргізді.
Іс бойынша эпизодтардың бірі 2026 жылғы 20 ақпанда болған. Сағат шамамен 02:00-де Өндіріс ауылының маңында полицейлер мал ұрлығына қатысы болуы мүмкін деген күдік тудырған үш автокөлікті тоқтатқан.
Одан әрі жүргізілген тергеу барысында полицейлер бірнеше рет мал ұрлау фактілерінің мән-жайларын анықтап, сотқа ұсынылған дәлелдемелерді жинақтады.
Абай облысы Полиция департаменті мал иелерін малдың жайылымдағы жағдайын бақылауды қамтамасыз етуге және мал жоғалған жағдайда бұл туралы дер кезінде хабарлауға шақырады.
Жайылымдар мен мал ұсталатын орындардың маңында күдік тудыратын автокөліктерді байқасаңыз, 102 нөміріне хабарласыңыз.
