🔹 Қазақстан Республикасындағы Адам құқықтары жөніндегі Уәкілдің Ұлытау облысы бойынша өкілі А.Б. Каримов өз қызметі аясында Ұлытау облысы әкімдігі жанындағы кәмелетке толмағандар істері және олардың құқықтарын қорғау жөніндегі комиссияның хатшысымен бірлесіп, Қ.И. Сәтбаев атындағы №7 мектеп-лицейіне барды.
Мониторинг барысында білім беру ұйымындағы қауіпсіздік шараларының ұйымдастырылуы, оның ішінде жалпы білім беретін мектептегі күзеттің қамтамасыз етілуі және қауіпсіздік талаптарының сақталуы тексерілді.
Сонымен қатар, білім алушылар үшін қауіпсіз әрі қолайлы білім беру ортасын қалыптастыруға бағытталған шараларға назар аударылды.
