Бүгін Бейнеу аудандық кітапханасында Бейнеу аудандық полиция бөлімі мен «Жайдарлы» ҮЕҰ-ның бірлесіп ұйымдастыруымен мектеп оқушылары мен жастар арасында «Қоғамдық тәртіп – ортақ жауапкершілік» тақырыбында сурет байқауы өткізілді.
Шараға аудан мектептерінен 25-ке жуық оқушы қатысып, өздерінің шығармашылық қабілеттерін ортаға салды.
Байқаудың негізгі мақсаты – жасөспірімдер арасында қоғамдық тәртіпті сақтау мәдениетін қалыптастыру, құқықтық сауаттылықты арттыру және құқық бұзушылықтың алдын алу бағытындағы түсіндіру жұмыстарын күшейту.
Байқау қорытындысы бойынша:
🥇 І орын – Опорный жалпы білім беретін мектебінің «Жас сақшы» тобының мүшесі Жайыққызы Жанназ;
🥈 ІІ орын – Лицей мектебінің оқушысы Шұғыла Сұлтанова және Қарақұм орта мектебінің оқушысы Жұлдызай Маратқызы;
🥉 ІІІ орын – Лицей мектебінің оқушысы Әкежан Мерекеұлы және Опорный орта мектебінің оқушысы Есенғалиева Күнсұлу.
Байқау жеңімпаздары мен жүлдегерлеріне арнайы сыйлықтар мен алғыс хаттар табысталды.
Мұндай іс-шаралар жас ұрпақтың құқықтық сауаттылығын арттыруға, шығармашылық қабілеттерін дамытуға және қоғамдық тәртіп пен қауіпсіздікке деген жауапкершілігін қалыптастыруға бағытталған.
