Қарағанды облысының металлургия өнеркәсібіндегі қауіпсіздік мәселелері

    Қарағанды облысы ТЖД Өнеркәсіптік қауіпсіздік басқармасының Теміртау қаласындағы Мемлекеттік бақылау және қадағалау бөлімінің басшысы М. У. Бекбенбетов өңірдегі металлургия саласының қауіпті өндірістік объектілерінде өнеркәсіптік қауіпсіздікті қамтамасыз ету мәселелері бойынша техникалық кеңес өткізді. Жиында осы саладағы қауіпсіздікті қамтамасыз етудің негізгі бағыттары таныстырылып, объектілерді техникалық қайта жарақтандыру, авариялар мен инциденттердің алдын алу, өндірістік жарақаттануды азайту мәселелеріне баса назар аударылды. Сондай-ақ кәсіпорындардағы өндірістік бақылаудың жай-күйі, қауіпті объектілер мен техникалық құрылғыларды қауіпсіз пайдалану, жабдықтарды жаңғырту және профилактикалық іс-шараларды ұйымдастыру қарастырылды.

    Кеңес қорытындысы бойынша металлургиялық ұйымдарға өнеркәсіптік қауіпсіздік талаптары мен ішкі өндірістік бақылауды мүлтіксіз орындау, жабдықтарды уақтылы жаңғырту, сондай-ақ оқыс оқиғалар мен жарақаттанудың алдын алуға бағытталған шараларды әзірлеу тапсырылды.

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті" жаңалықтары