17.09.2026 жылы Медициналық-әлеуметтік сараптаманың әдіснама және бақылау бөлімі мамандары Жезқазған қаласындағы «Қарлығаш» сауықтыру-оңалту санаторийіне барды.
Сапар барысында мекеме директоры Тимур Сергеевич санаторийдің негізгі қызмет бағыттарымен таныстырды.
Мекемеде амбулаториялық-емханалық және стационарлық медициналық көмек көрсетіледі. Негізгі бағыттардың бірі – балаларға медициналық оңалту көмегін көрсету.
Санаторийде реабилитолог дәрігерлер, педиатрлар, психологтар, логопедтер, дефектологтар және басқа да мамандардан құралған мультидисциплинарлық команда жұмыс істейді.
Балаларға физиотерапиялық және оңалту шаралары жүргізіледі. Атап айтқанда, эрготерапия, механотерапия, массаж, тұз шахтасы және шунгит бөлмесі сияқты бағыттар қарастырылған.
Сапар барысында мамандардың жұмысымен танысып, медициналық оңалтудың мүмкіндіктерін көрдік.
Мұндай кездесулер тәжірибе алмасуға және медициналық оңалту мен МӘС арасындағы өзара байланысты нығайтуға мүмкіндік береді.
