ҚАЗАҚСТАН РЕСПУБЛИКАСЫНЫҢ ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ ХАЛЫҚТЫ ӘЛЕУМЕТТІК ҚОРҒАУ САЛАСЫНДАҒЫ РЕТТЕУ ЖӘНЕ БАҚЫЛАУ КОМИТЕТІНІҢ ҰЛЫТАУ ОБЛЫСЫ БОЙЫНША ДЕПАРТАМЕНТІ
Құрметті біздің сайтқа келушілер!
Департамент ҚР Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Ұлытау облысы бойынша аумақтық бөлімшесі болып табылады . Департаменттің міндеті зейнетақы және әлеуметтік қамсыздандыру, мүгедек адамдарды әлеуметтік қорғау, медициналық-әлеуметтік сараптама жүргізу саласындағы мемлекеттік саясатты іске асыру болып табылады.
Департамент "Азаматтарға арналған үкімет" МК-мен бірлесіп республикалық бюджет қаражатынан барлық зейнетақы және әлеуметтік төлемдерді тағайындауды жүргізеді. Қаланың медициналық мекемелерімен өзара іс-қимыл жасау кезінде Департаменттің медициналық-әлеуметтік сараптау комиссиялары мүгедектік тобын белгілейді және осы азаматтар үшін қажетті оңалту шараларын әзірлейді. Мемлекеттік бақылау шеңберінде біз мүгедек адамдардың құқықтарының сақталуын қамтамасыз етеміз және қандай да бір бұзушылықтар анықталған кезде оларды қалпына келтіру жөнінде қажетті шаралар қолданамыз.
Департаменттің басты міндеттерінің бірі-халыққа мемлекеттік қызмет көрсету. Бүгінгі таңда Департаментпен 14 мемлекеттік қызмет көрсетіледі.
Тұрақты негізде біз Департамент қызметінің бағыттары бойынша қала тұрғындары арасында ақпараттық-түсіндіру жұмыстарын жүргіземіз, құзыреті шеңберінде кез келген қызықтыратын мәселелер бойынша халықпен кездесулер өткіземіз және азаматтарды қабылдауды жүзеге асырамыз.
Біздің басты мақсатымыз – азаматтарымыздың әлеуметтік тұрақтылығы мен әл-ауқаты!
Жаңалықтар
Еңбек күні – болашақты қалыптастыратын жандардың мерекесі
«ЕЛГЕ ҚЫЗМЕТ» БАҒДАРЛАМАСЫНДА
Адам құқықтары жөніндегі уәкілмен кездесу
Еңбек күніне: өмірін әлеуметтік қорғау саласына арнаған адам
Облыстық психикалық денсаулық орталығының дәрігерлерімен семинар
17.09.2026 жылы Медициналық-әлеуметтік сараптаманың әдіснама және бақылау бөлімі мамандары Жезқазған қаласындағы «Қарлығаш» сауықтыру-оңалту санаторийіне барды.
Құжаттар
2026 жылғы 1 шілдеге мемлекеттік қызметтер көрсету бойынша ақпарат
2026жылғы 1 шілдегемемлекеттік қызметтер көрсету бойыншаақпарат Қазақстан Республикасы Еңбек және халықты әлеуметтік қорғау министрлігі Халықты әлеуметтік қорғау саласындағы реттеу және бақылау комитетінің Ұлытау облысы бойынша департаментінің Зейнетақы және әлеуметтік қамсыздандыру бөлімімен 2026 жылдың 1 жарты жылдығында мемлекеттік қызметтер тізіліміне енгізілген 14 түрлі мемлекеттік қызмет бойынша 6493 қызмет көрсетілді, оның ішіндетағайындалғаны- 6311: жасына байланысты зейнетақы төлемдерін тағайындау – 959; мемлекеттік базалық зейнетақы төлемін тағайындау – 1083; мүгедектігі бойынша мемлекеттік әлеуметтік жәрдемақыны тағайындау – 257; асыраушысынан айырылу жағдайы бойынша мемлекеттік әлеуметтік жәрдемақыны тағайындау – 89; арнайы мемлекеттік жәрдемақыны тағайындау –76; бала тууына және бала күтіміне байланысты жәрдемақыларды тағайындау – 1591; мүгедектігі бар баланы тәрбиелеп отырған анасына немесе әкесіне, асырап алушысына, қамқоршысына (қорғаншысына) берілетін жәрдемақыны тағайындау – 88; І топтағы мүгедектігі бар адамға күтім жасауға байланысты жәрдемақыны тағайындау – 73; «Алтын алқа», «Күміс алқа» алқаларымен наградталған немесе бұрын «Батыр ана» атағын алған, «Ана даңқы» I және II дәрежелі ордендерімен наградталған көпбалалы аналарға мемлекеттік жәрдемақыны тағайындау – 86; көпбалалы отбасыларға берілетін жәрдемақыны тағайындау – 286; жерлеуге арналған біржолғы төлемді тағайындау – 661; арнайы кәсіби мемлекеттік жәрдемақыны тағайындау – 132; нақты енгізілген міндетті зейнетақы жарналарының, міндетті кәсіби зейнетақы жарналарының инфляция деңгейін ескере отырып сомасы мен зейнетақы жинақтарының сомасы арасындағы айырманы төлеу – 929; Семей сынақ ядролық полигоннан зардап шеккендерге біржолғы ақшалай өтемақы-1. Тағайындаудан бас тарту туралы шешім қабылданғандар-182: жасына байланысты зейнетақы тағайындау- 1; көпбалалы отбасыларға берілетін жәрдемақыны тағайындау- 4; бала тууына және бала күтіміне байланысты жәрдемақыларды тағайындау- 1; арнайы мемлекеттік жәрдемақыны тағайындау- 1; нақты енгізілген міндетті зейнетақы жарналарының, міндетті кәсіби зейнетақы жарналарының инфляция деңгейін ескере отырып сомасы мен зейнетақы жинақтарының сомасы арасындағы айырманы төлеу- 175.
Халықты әлеуметтік қорғау саласындағы бақылау бөлімінің 2026 жылдың I жартыжылдығындағы жұмыстары
2026 жылдың алғашқы алты айында халықты әлеуметтік қорғау саласындағы бақылау бөлімі жоспарлы және жоспардан тыс бақылау іс-шараларын жүргізіп, азаматтардың әлеуметтік құқықтарының сақталуын қамтамасыз ету бағытында жүйелі жұмыстар атқарды. Жосспардағы профилактикалық бақылау бойынша; 2026 жылдың I жартыжылдығында 3 мекемеде жоспарлы тексеру жүргізілді. Атап айтқанда: -Жезқазған қаласының жұмыспен қамту және әлеуметтік бағдарламалар бөлімі; -Сәтбаев қаласының жұмыспен қамту және әлеуметтік бағдарламалар бөлімі; -Жаңаарқа ауданының жұмыспен қамту және әлеуметтік бағдарламалар бөлімі. Тексеру нәтижесінде анықталған бұзушылықтарды жою туралы нұсқамалар берілді. Жоспардан тыс тексерулер Есептік кезеңде 4 жоспардан тыс тексеру жүргізілді. Жеке тұлға П. Ержігітованың өтініші негізінде «Жезқазған медициналық орталығы» ЖШС-не 2 жоспардан тыс тексеру жүргізіліп, анықталған бұзушылықтарды жою туралы нұсқамалар шығарылды. Сонымен қатар Қазақстан Республикасының Әкімшілік құқық бұзушылық туралы кодексінің 83-бабы 1-бөлігі 1) тармақшасына сәйкес екі әкімшілік хаттама толтырылып, жалпы сомасы 1 730 000 теңге көлемінде айыппұл салынды. Айыппұл белгіленген мерзімде толық көлемде төленді. Сондай-ақ, П. Ержігітованың өтініші негізінде «Ұлытау облысы әкімдігінің Істер басқармасы» КММ-де жоспардан тыс тексеру жүргізіліп, оның қорытындысы бойынша заң бұзушылықтар анықталған жоқ. Арнайы әлеуметтік қызметтерді лицензиялау Есептік кезеңде арнайы әлеуметтік қызметтер көрсету қызметін лицензиялау бойынша екі өтініш қаралды: -Жезқазған қаласы әкімдігінің «Өмірлік қиын жағдайдағы тұлғаларды қайта әлеуметтендіру орталығы» коммуналдық мемлекеттік мекемесі; -«Қазына Қамқор» қоғамдық қоры. Қарау нәтижесінде екі ұйымға да оң шешім қабылданып, Комитет тарапынан тиісті лицензиялар берілді. Халықты әлеуметтік қорғау саласындағы бақылау бөлімі алдағы уақытта да әлеуметтік заңнаманың сақталуын қамтамасыз ету және көрсетілетін әлеуметтік қызметтердің сапасын арттыру бағытындағы жұмыстарын жалғастырады
2026 жылғы 1 жартыжылдықтағы мүгедектіктің жай-күйі туралы
Ұлытау облысы бойынша мүгедектігі бар адамдар саны 11 086 адамды құрайды немесе облыс халқының жалпы санының 5.06 %-ы (218 993 адам). Оның ішінде ересек тұрғындар – 9 990 адам, бұл мүгедектігі бар адамдардың жалпы санының 90,1 %-ын құрайды: 1 топ – 1 025 адам (10.2 %); 2 топ – 3 733 адам (37.4 %); 3 топ – 5 232 адам (52,4 %). 18 жасқа дейінгі мүгедектігі бар балалар – 1096 немесе мүгедектігі бар адамдардың жалпы санының 9.9 %-ықұрайды. 2026 жылдың 6 айында алғаш рет 275 адам мүгедек деп танылды, оның ішінде 83-і – балалар. Нозологиялық нысандар бойынша ересек тұрғындар арасындағы бастапқы мүгедектік себептерін талдау мүгедектікке әкелетін негізгі аурулардың: І орында – қан айналымы жүйесінің аурулары – 52 адам (2025 ж. – 49); ІІ орында – қатерлі ісіктер – 39 адам (2025 ж. –39 ); ІІІ орында – кәсіптік аурулар – 35 адам (2025 ж. –40 ) екенін көрсетті. Балалар арасындағы мүгедектікке жүргізілген талдау бастапқы танылғандар арасында мүгедектікке әкелетін негізгі аурулардың: І орында – психикалық аурулар мен аутизм – 50 бала (2025 ж. –30 ); ІІ орында –– эндокриндік аурулар 8 бала (2025 ж. – 7); ІІІ орында – туа біткен даму ақаулары– 7 бала (2025 ж. –16 )екенін көрсетті. Балалар арасындағы бастапқы мүгедектік құрылымында психикалық аурулар мен аутизмнің өсуі байқалады. Сырттай-проактивті форматында медициналық-әлеуметтік сараптама жүргізу Куәландыру және қайта куәландыру сырттай және сырттай-проактивті форматта жүргізіледі. Көзбе-көз куәландыру кезінде мүгедектігі бар адамның қатысуымен Департаменттің медициналық-әлеуметтік сараптама бөлімінде жүргізіледі. Ал сырттай форматтағы медициналық-әлеуметтік сараптама кезінде өтініш берушіге тек тіркелген жері бойынша медициналық ұйымға жүгініп, қажетті тексеруден өту жеткілікті. Құжаттарды жолдаудан бастап сараптамалық шешім шығаруға дейінгі барлық келесі кезеңдер азаматтың жеке қатысуынсыз, Денсаулық сақтау министрлігі мен Еңбек және халықты әлеуметтік қорғау министрлігінің ақпараттық жүйелерін интеграциялау есебінен жүзеге асырылады. №031/у нысанындағы медициналық құжаттар медициналық ұйымдардан МӘС бөлімшелеріне электрондық түрде жіберіледі. Сырттай куәландыруға көшу: – әкімшілік және бюрократиялық кедергілерді жояды; – МӘС сараптамалық шешімдерінің ашықтығын қамтамасыз етеді; – мүгедектікті белгілеу және әлеуметтік қорғау шараларын анықтау қызметтерін үйден шықпай алуға мүмкіндік береді; – көрсетілетін қызметті алушы мен қызмет көрсетуші арасындағы тікелей байланысты болдырмай, сыбайлас жемқорлық тәуекелдерін азайтады. 2026 жылдың 6 айында Ұлытау облысы бойынша медициналық-әлеуметтік сараптама аясында сырттай форматта мүгедектікті белгілеу бойынша 593 өтінім қаралды, бұл облыс бойынша куәландырудан өткен адамдардың жалпы санының 34 %-ын құрайды. Сырттай проактивті куәландыру бірқатар нозологиялық нысандар бойынша қолданылады, оның ішінде онкологиялық аурулар, барлық локализациядағы туберкулез, туа біткен және жүре пайда болған анатомиялық ақаулар, психикалық аурулар, балалардағы қант диабеті, балалардағы мукополисахаридоз, сондай-ақ ағзаларды трансплантациялаудан кейінгі жағдайлар бар. 2025 жылы сырттай куәландыру жүргізілетін нозологиялық нысандар тізбесі едәуір кеңейтілді. Оған шынайы гидроцефалия, бір немесе бірнеше аяқ-қолдың тұрақты айқын салдануы мен терең парездері сияқты аурулар енгізілді. Осылайша, бүгінгі күні сырттай форматтағы куәландыру 15-тен астам нозологиялық нысан бойынша жүргізіледі.