Бүгін, 15 қыркүйек күні Қазақстан чемпионатының Екінші лигасы аясында 23-тур ойындары өтті.
Хромтау қаласындағы «Горняк» стадионында жергілікті «Хромтау» командасы «Тараз М» командасын қабылдады.
Ойын барысында хромтаулық футболшылар белсенділік танытып, қарсыластың қақпасына екі гол соқты. Кездесудің 7-минутында Стрижков есеп ашса, 68-минутта Боловинцев команда қоржынына екінші голды салды.
Нәтижесінде «Хромтау» – «Тараз М» 2:0.
Осылайша, хромтаулық команда кезекті ойында жеңіске жетіп, жанкүйерлерін қуантты.
«Хромтау» командасына алдағы ойындарда сәттілік пен жеңіс тілейміз!
