Жамбыл ауданының төтенше жағдайлар бөлімі қызметкерлері Жамбыл облысы бойынша ҚР ҰҚК Департаментінің Жамбыл ауданында орналасқан «Жасөркен», «Бесағаш» және «Шөлдала» шекара заставаларының жеке құрамымен профилактикалық іс-шара өткізді. Кездесу барысында жеке құрамға өрт қауіпсіздігі талаптарын қатаң сақтау, өрттің алдын алу шаралары, электр жабдықтары мен жылыту құрылғыларын қауіпсіз пайдалану, сондай-ақ өрт болған жағдайда алғашқы әрекет ету тәртібі түсіндірілді. Сонымен қатар, күнделікті қызмет барысында өрт қаупін тудыратын факторларды дер кезінде анықтап, қауіпсіздік талаптарын сақтаудың маңыздылығына назар аударылды.
Жамбыл облысы ТЖД
