Қазақстанда ата-аналар чаттары үшін бірыңғай ережелер енгізілуі мүмкін. Оқу-ағарту министрлігі ата-аналардың пікірін зерделеп, қарым-қатынас тәртібін жеке нормалармен бекіту мүмкіндігін қарастыруда.
Жылдам әрекет етуді талап ететін, кейінірек талқылауға болатын хабарламалардың түрлерін, сондай-ақ қай чаттарда мұғалімдердің болуы міндетті екенін айқындау жоспарланып отыр. Бұған дейін мектеп мәселелерін сағат 18:00-ден кейін талқыламау ұсынылған болатын, алайда екі ауысымды оқытуға байланысты бұл тәсіл қайта қаралуы мүмкін.
