МҚҰ ашу тәртібіне қойылатын талаптар қандай нормативтік актіде көзделген?

Question

Accepted Answer

«Микроқаржылық қызмет туралы» Заңның 14-бабының 1-1-тармағына сәйкес микрокредиттер беру қызметін жүзеге асыру ниеті бар заңды тұлға микроқаржылық ұйым, кредиттік серіктестік, ломбард ретінде «Азаматтарға арналған үкімет» мемлекеттік корпорациясында мемлекеттік тіркеуден (қайта тіркеуден) өткені туралы уәкілетті органды (Агенттікті), қаржылық мониторингті жүзеге асыратын уәкілетті мемлекеттік органды аталған тіркеу күнінен бастап күнтізбелік он күн ішінде хабардар етеді.
Микроқаржылық ұйым лицензия беру туралы өтініште міндетті түрде келесі біліктілік талаптарының орындалғаны туралы мәліметтерді көрсетеді:
- бухгалтерлік есепті жүргізуді автоматтандыруды қамтамасыз ететін ақпараттық жүйенің болуы;
- қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл саласындағы бірыңғай ақпараттық жүйеге қосылу;
- мемлекеттік қатысуы бар кредиттік бюромен ақпарат ұсыну туралы шарт жасасу.
«Микроқаржылық қызмет туралы» Заңның 12-бабына сәйкес микроқаржылық ұйымды мемлекеттік тіркеу (қайта тіркеу) сәтіне дейін оның құрылтайшылары жарғылық капиталдың ең төменгі мөлшерін толық төлеуге міндетті.
Микроқаржылық ұйымның жарғылық капиталының ең төменгі мөлшері Қазақстан Республикасы Ұлттық Банкі Басқармасының 2019 жылғы 14 қарашадағы № 192 қаулысымен айқындалған.
Бұл ретте лицензиялау қағидаларына 1-қосымшаның 8-тармағы бірінші бөлігінің 2) тармақшасына сәйкес жарғылық капиталдың ең төменгі мөлшерінің төленгенін растайтын құжаттар ретінде мынадай құжаттар ұсынылады: екінші деңгейдегі банктің құжаты (оның ішінде клиенттің банк шоттары бойынша ақша қозғалысы туралы үзінді көшірме), ол қызмет алушының жарғылық капиталына жарна ретінде банк шотына ақшаның есепке алынғанын растайды және лицензия алу үшін жүгінген күнге дейін күнтізбелік 30 (отыз) күннен ерте берілмеген болуы тиіс.
Агенттік ұсынылған құжаттардың толықтығын, сондай-ақ микроқаржылық ұйымның басшы қызметкерлері мен құрылтайшыларының (қатысушыларының) біліктілік талаптарына сәйкестігін растайтын мәліметтерді (жоғары білімінің болуы, мінсіз іскерлік беделі, өтелмеген немесе алынбаған соттылығының, сыбайлас жемқорлық қылмыстарының болмауы) тексеруді жүзеге асырады.
Мемлекеттік қызмет көрсету нәтижесі толық құжаттар пакеті алынған күннен бастап отыз жұмыс күні ішінде лицензияны беру туралы хабарламаны не оны беруден дәлелді бас тартуды жолдау болып табылады.
Лицензия беру тәртібі, микроқаржылық ұйымның басшы қызметкерлері мен құрылтайшыларына (қатысушыларына) қойылатын талаптар, сондай-ақ заңды тұлғаға лицензия беруден бас тарту негіздері «Микроқаржылық қызмет туралы» Заңның 14 және 15-баптарымен белгіленген.
Бұл ретте микроқаржылық ұйымдардың құрылтайшыларына қатысты резиденттік белгісі бойынша шектеулер белгіленбегенін атап өтеміз, «Микроқаржылық қызмет туралыы» Заңның 14-бабы 6-тармағының 2) тармақшасында көзделген тыйымды қоспағанда, оған сәйкес өзге де талаптармен қатар уәкілетті орган айқындайтын офшорлық аймақтарда тіркелген, тұрғылықты жері немесе орналасқан жері бар тұлға микроқаржылық ұйымның ірі қатысушысы бола алмайды.
«Микроқаржылық қызмет туралы» Заңның 14-бабы 2-тармағының бірінші бөлігіне сәйкес микроқаржылық қызметті жүзеге асыруға лицензия алу (қайта ресімдеу) үшін «Рұқсаттар және хабарламалар туралы» Қазақстан Республикасының Заңында айқындалған құжаттардан басқа, микроқаржылық ұйым лицензиялау қағидаларында айқындалған жағдайларда микрофинанстық қызметті лицензиялау кезінде қойылатын біліктілік талаптарына сәйкестігін растайтын құжаттарды уәкілетті органға ұсынады.
Агенттік Басқармасының 2020 жылғы 23 қарашадағы № 108 қаулысымен (бұдан әрі – Лицензиялау қағидалары) микроқаржылық қызметті жүзеге асыруға лицензия алу үшін қызмет алушы лицензиялау қағидаларына 2-қосымшаға сәйкес нысан бойынша микрофқаржылық қызметті жүзеге асыруға лицензия беру туралы өтінішті және тиісті құжаттарды қызмет көрсетушіге ұсынатыны белгіленген.
Құжаттар қызмет алушы тарапынан лицензиялау қағидаларына 1-қосымшаға (мемлекеттік қызмет көрсетуге қойылатын негізгі талаптардың тізбесі) сәйкес «электрондық үкімет» веб-порталы www.egov.kz
, www.elicense.kz
арқылы электрондық түрде ұсынылады.

Ұқсас материалдар