Мәдениет және өнер саласындағы жоғары оқу орнында білім алу үшін білім беру грантты алуға 0алай болады. Әлеуметтік осал санаттағы азаматтар үшін қабылдау квоталары қарастырылған ба?

Question

Accepted Answer

Білім беру гранттары (Қазақстан Республикасы Ғылым және жоғары білім министрінің 2023 жылғы 31 тамыздағы №443 бұйрығы) бекітілген «Жоғары немесе жоғары оқу орнынан кейінгі білім алуға арналған білім беру гранттарын тағайындау қағидаларына» сәйкес конкурс негізінде бөлінеді.
Белгіленген тәртіпке сәйкес, (Қазақстан Республикасы Ғылым және жоғары білім министрінің 2023 жылғы 26 шілдедегі №357 бұйрығы)жоғары білім беру бағдарламаларын іске асыратын білім беру ұйымдарына қабылдау кезінде мемлекеттік білім беру тапсырысы көлемінен келесі квоталар бекітілген:
-бірінші және екінші топтағы мүгедектігі бар азаматтар, бала кезінен мүгедектер, мүгедек балалар үшін – 2 пайыз;
-басқа мемлекеттердің аумағындағы ұрыс қимылдарының ардагерлері, сондай-ақ Ұлы Отан соғысы ардагерлеріне теңестірілген жеңілдіктері бар ардагерлер үшін – 0,2 пайыз;
-ауылдық жастар үшін, ауылдың әлеуметтік-экономикалық дамуын айқындайтын білім беру бағдарламалары бойынша – 35 пайыз;
Қазақстан Республикасының азаматтары болып табылмайтын қазақ ұлтының өкілдері үшін – 4 пайыз;
-жетім балалар және ата-анасының қамқорлығынсыз қалған балалар, сондай-ақ кәмелет жасына толғанға дейін ата-анасынан айырылған немесе олардың қамқорлығынсыз қалған Қазақстан Республикасының азаматтары үшін – 1 пайыз;
-Қазақстан Республикасының Үкіметі айқындаған өңірлерге қоныс аударатын ауыл жастары үшін – 3 пайыз;
-төрт және одан да көп кәмелетке толмаған баланы тәрбиелеп отырған отбасылардан шыққан балалар үшін – 5 пайыз;
-кемінде үш жыл толық емес отбасы мәртебесі бар отбасылардан шыққан балалар үшін – 3 пайыз;
бала кезінен мүгедек балаларды, бірінші немесе екінші топтағы мүгедектігі бар адамдарды тәрбиелеп отырған отбасылардан шыққан балалар үшін – 2 пайыз;
-әскери міндетті шақырту бойынша белгіленген мерзімді әскери қызметін өтеген Қазақстан Республикасы азаматтары үшін – 2,5 пайыз.
Қосымша ақпаратты тиісті оқу орнының қабылдау комиссиясынан немесе оқу бөлімінен алуға болады.

Ұқсас материалдар