Индекстеу әдісі қолданылатын тариф қалай белгіленеді?
«Табиғи монополиялар туралы» Қазақстан Республикасы Заңының 18-бабының 1 және 2-тармақтарына сәйкес индекстеу әдісі қолданылатын тарифті қуаты аз табиғи монополия субъектісі бекітілген тарифті уәкілетті орган айқындайтын деңгейден асырмай индекстеу жолымен жыл сайын белгілейді. Тарифті индекстеу деңгейі Қазақстан Республикасының әлеуметтік-экономикалық даму өлшемдері ескеріле отырып, жыл сайын күнтізбелік жыл басталғанға дейін екі айдан кешіктірілмей айқындалады.
Мысалы, «Шералиев О.Н.» ДК үшін Қазақстан Республикасы Ұлттық экономика министрлігі Табиғи монополияларды реттеу комитетінің Павлодар облысы бойынша департаментінің 2026 жылғы 20 сәуірдегі № 30-ОД бұйрығымен 2026 жылғы 1 мамырдан бастап жылу энергиясын өндіру, беру, тарату, өткізу және тұтынушыларды онымен жабдықтау жөніндегі көрсетілетін қызметтерге индекстеу әдісі бойынша тариф бекітілді.