Қоғамдық бірлестіктер бекітілген тарифтік сметалардың орындалуы туралы табиғи монополия субъектілерінің есептерін қарауға қатыса алады ма?
«Табиғи монополиялар туралы» Қазақстан Республикасы Заңының 29-бабына сәйкес, қоғамдық бірлестіктер Қазақстан Республикасының қоғамдық бірлестіктер туралы заңнамасында белгіленген құқықтардан басқа, сондай-ақ тарифтің және инвестициялық бағдарламаның жобаларын, бекітілген тарифтік сметаның орындалуы туралы, бекітілген инвестициялық бағдарламаның орындалуы туралы, реттеліп көрсетілетін қызметтердің сапа мен сенімділік көрсеткіштерінің сақталуы және табиғи монополиялар субъектілері қызметінің тиімділік көрсеткіштеріне қол жеткізу туралы есептерді уәкілетті органның (Табиғи монополияларды реттеу комитеті және оның аумақтық органдары) қарауына қатысады.
Осылайша, есептерге қатысты ескертулер болған жағдайда, қоғамдық бірлестіктер оларды Табиғи монополияларды реттеу комитетіне және оның аумақтық бөлімшелеріне жазбаша нысанда жібере алады.