2024 жылы 01.01.2020-31.12.2022 жж. кезеңі үшін «Энергоресурс» ЖШС-де ҚР Салық кодексінің (2017 жылғы редакциясы) 145-бабының 3-тармағының 1) тармақшасы негізінде жоспардан тыс салықтық тексеру жүргізілді.
Салықты тексеру нәтижелері бойынша 08.04.2024 жылғы №75 хабарлама табыс етілді, онда қосымша есептелген сома 366 529 619 теңгені құрады, оның ішінде 101111 КБЖ бойынша – 159 492 457 теңге, өсімпұл сомасы 31 699 988 теңге, 105101 КБЖ бойынша – 163 308 712 теңге, өсімпұл сомасы 12 034 461 теңге.
Салық төлеуші хабарламаға ҚР Қаржы министрлігіне шағым түсірді, онда 04.07.2024 жылғы №ЗТ-2024-03672406 шешімімен салық органдарының пайдасына толықтай шешім шығарылды.
Әрі қарай, салық төлеуші Түркістан облысының Мамандандырылған ауданаралық әкімшілік сотына жүгінді. Аталған соттың шешімі 2024 жылғы 30 қыркүйекте №5194-24-00-4/778 ісі бойынша салық органының пайдасына шығарылды.
Жоғарыда көрсетілген шешім шыққаннан кейін салық төлеуші Түркістан облыстық сотының Әкімшілік істер жөніндегі сот алқасына апелляцияға берді, онда да апелляциялық комиссия бірінші сатыдағы соттың шешімін өзгеріссіз қалдырды.
Өз құқықтарын пайдалана отырып, салық төлеуші Қазақстан Республикасының Әкімшілік істер жөніндегі кассациялық сотына талап арыз берді, онда қарау қорытындысы бойынша 2025 жылғы 21 тамыздағы 6003-25-00-4к/1064 шешімі салық органының пайдасына шығарылды.
Қазіргі уақытта «Энергоресурс» ЖШС оңалту, сауықтыру рәсімінен және «Оңалту рәсімі туралы іс қозғау туралы ұйғарымға» шағымдану рәсімінен өтуде.
Камералдық бақылау бойынша келесі хабарламалар қалыптастырылды және бүгінгі күні салық төлеушіге жеткізілді:
1) 20.11.2025 ж. №5815KI500046. 100.00-СЕН деректерін алынған ЭСФ-тер бойынша мәліметтермен, азаматтық-құқықтық сипаттағы шарттар бойынша жеке тұлғалардан алынған қызметтермен (олардың мәні қызмет көрсету немесе жұмыстарды орындау болып табылады), бейрезиденттен алынған қызметтер бойынша деректермен, ЕАЭО елдерінен импорт туралы мәліметтермен (328.00-СЕН), сондай-ақ үшінші елдерден импорт бойынша жүк кедендік декларацияларының (ЖКД) деректерімен салыстыру негізінде белгіленген, сатып алынған тауарлар, жұмыстар мен қызметтер бойынша КЖС бойынша шегерімдерді негізсіз арттыру. Бұзушылық сомасы: 548 996 567 теңге.
Камералдық бақылаумен қамтылған кезең: 01.01.2022-31.12.2022.
2) 13.10.2025 ж. №5815X4500001. Сіз ұсынған ҚҚС бойынша декларацияларды және алынған электрондық шот-фактураларды камералдық бақылау барысында есепке жатқызылатын ҚҚС сомасының негізсіз арттырылуы анықталды (Салық кодексінің 46-тарауын бұза отырып).
Бұзушылық сомасы: 96 584 718 теңге. Камералдық бақылаумен қамтылған кезең: 01.01.2022-30.06.2025 жж.
3) 30.09.2025 ж. №5815OO800006. Камералдық бақылау барысында «Салық және бюджетке төленетін басқа да міндетті төлемдер туралы» ҚР Кодексінің (Салық кодексі) 400-бабын бұза отырып, есепке жатқызылатын ҚҚС сомалары негізсіз арттырылғаны анықталды.
Бұзушылық сомасы: 21 365 214 теңге.
Камералдық бақылаумен қамтылған кезең: 01.07.2022-30.09.2022 жж.
№5815KI500046 және №5815OO800006 хабарламалары бойынша анықталған бұзушылықтар 2024 жылы жүргізілген салықтық тексеру барысында ескерілген, осыған байланысты аталған хабарламалар бойынша салықтық тексеру тағайындау қаралмайды.
№5815X4500001 хабарламасы бойынша бұзушылықтар салықтық тексеру барысында толық көлемде ескерілмеген. Сонымен қатар, осы хабарламамен қамтылатын кезеңнің бір бөлігі көрсетілген тексеруді жүргізу кезеңіне кірмейді. Осыған байланысты, аталған хабарлама бойынша салықтық тексеруді тағайындау үшін Қазақстан Республикасының ӘРПК-де көзделген рәсімдер жүзеге асырылатын болады. | 
