Қазақстан Республикасы Ұлттық экономика министрлігі
Коммуналдық көрсетілетін қызметтерге тарифтерді қалыптастыру, бекіту және өзгерту қандай нормативтік құқықтық актілермен реттеледі?
«Табиғи монополиялар туралы» Қазақстан Республикасы Заңының (бұдан әрі – Заң) 6-бабының 2) тармақшасына сәйкес табиғи монополия субъектісінің (бұдан әрі – ТМС) қызметін мемлекеттік реттеу тарифті қалыптастыру, белгілеу және бекіту арқылы жүзеге асырылады.
Заңның 4-бабының 26) тармақшасына сәйкес тарифтік смета – уәкілетті орган бекіткен нысан бойынша ұсынылатын реттеліп көрсетілетін қызметтің кірістерінің, шығыстарының және көлемдерінің тізбесі.
Реттеліп көрсетілетін қызметтерге тарифтер мен тарифтік сметаларды бекіту кезінде уәкілетті орган Қазақстан Республикасы Ұлттық экономика министрінің 2019 жылғы 19 қарашадағы № 90 бұйрығымен бекітілген Тарифтерді қалыптастыру қағидаларын (бұдан әрі – Қағидалар) басшылыққа алады.
Қағидалардың 14-тармағына сәйкес, ТМС тарифті бекітуге арналған өтінімді уәкілетті орган ведомствосына «Монополист» базасы веб-порталы арқылы электрондық нысанда ұсынады.
Қағидалардың 25-тармағына сәйкес, уәкілетті орган ведомствосы ТМС ұсынған тариф пен тарифтік смета жобасын, қоса берілген негіздеуші құжаттар мен есептерді талдау жүргізу арқылы қарайды және осы Қағидаларға
1-қосымшаға сәйкес 24-нысан бойынша субъектінің тариф пен тарифтік смета жобаларын қарау нәтижелері туралы қорытынды қалыптастырады.
Сонымен қатар, Қағидалардың 15-тармағына сәйкес тарифтерді бекіту кезінде өтінімге растайтын құжаттардың тізбесі, оның ішінде нормативтік техникалық шығындарға қатысты құжаттар қоса беріледі. Бұл ретте ТМС кәсіпорынның тиімді жұмыс істеуі үшін қажетті шығындарды ескере отырып, өтінімдерді дербес қалыптастыратынын атап өтеміз.
Осылайша, ТМС ұсынған өтінімдер табиғи монополиялар саласындағы заңнама талаптарына сәйкес уәкілетті орган ведомствосымен қаралады және реттеліп көрсетілетін қызметтерге тарифтер мен тарифтік сметалар жобаларын қарау нәтижелері бойынша қорытынды негізінде олардың қолданылу мерзімін көрсете отырып, оларды бекіту немесе бекітуден бас тарту туралы шешім қабылданады.
Мысалы: ТМС уәкілетті органға нормативтік құқықтық актілерге сілтемелер келтіре отырып, коммуналдық көрсетілетін қызметтерге тарифтерді бекіту және өзгерту мәселесімен жүгінеді.
Экономикалық ынтымақтастық және даму ұйымы дегеніміз не және Қазақстанның ұйыммен ынтымақтастығы қалай дамып келеді?
Қазақстан Республикасы Үкіметінің 2015 жылғы 27 сәуірдегі № 334 «Қазақстан Республикасының Үкіметі мен Экономикалық ынтымақтастық және даму ұйымы арасындағы «Жаһандық байланыстар бағдарламасы арқылы ынтымақтастық» жобасы туралы Келісімге қол қою туралы» қаулысына сәйкес Экономика...
Ұлттық байланыс орталығы дегеніміз не және оның мәні неде?
Қазақстан Республикасы Үкіметінің 2012 жылғы 16 қарашадағы № 1453 «Экономикалық ынтымақтастық және даму ұйымы елдерінің тәжірибесіне сәйкес Ұлттық байланыс орталығының функцияларын іске асыруға жауапты органды айқындау туралы» қаулысына сәйкес Ұлттық байланыс орталығы (бұдан әрі...
Ұлттық байланыс орталығына өтінішті кім және қалай бере алады?
Өтініштерді қарау тәртібі Қазақстан Республикасы Үкіметінің 2012 жылғы 16 қарашадағы № 1453 «Экономикалық ынтымақтастық және даму ұйымы елдерінің тәжірибесіне сәйкес Ұлттық байланыс орталығының функцияларын іске асыруға жауапты органды айқындау туралы» қаулысымен (Қазақстан Респу...
Орнықты даму мақсаттары жөніндегі Хатшылық дегеніміз не?
Қазақстан Республикасы Премьер-Министрінің 2018 жылғы 13 қарашадағы № 143-ө «Орнықты даму мақсаттары жөніндегі үйлестіру кеңесі туралы» өкіміне сәйкес Қазақстанда Орнықты даму мақсаттары жөніндегі үйлестіру кеңесі құрылды. Бұл Орнықты даму мақсаттарын (бұдан әрі – ОДМ) іске асыру...
Кәсіпкерлік субъектілерінің санаты қандай критерийлер негізінде айқындалады?
Кәсіпкерлік субъектілерінің санатын айқындау Қазақстан Республикасының 2015 жылғы 29 қазандағы № 375-V «Кәсіпкерлік кодексінің» 24-бабында белгіленген критерийлер мен олардың шекті мәндеріне, сондай-ақ Қазақстан Республикасы Ұлттық экономика министрінің 2023 жылғы 29 маусымдағы №...
Кәсіпкерлік субъектісінің қызмет түрі (экономикалық қызмет түрлерінің жалпы жіктеуіші) өзгерген кезде кәсіпкерлік субъектілерінің тізіліміне өзгерістер енгізу тәртібі қандай?
Қазақстан Республикасы Премьер-Министрінің орынбасары – Ұлттық экономика министрінің 2024 жылғы 30 қыркүйектегі № 78 бұйрығымен бекітілген Кәсіпкерлік субъектілерінің тізілімін жүргізу және пайдалану қағидаларының (бұдан әрі – Тізілім) 7-тармағына сәйкес, Тізілімдегі мәліметтерді...
Әлеуметтік кәсіпкерлік субъектілерінің тізілімі қалай жүргізіледі?
Әлеуметтік кәсіпкерлік субъектілерінің тізілімін жүргізу тәртібі (бұдан әрі – ӘКСТ) Қазақстан Республикасы Ұлттық экономика министрінің міндетін атқарушының 2023 жылғы 17 шілдедегі №140 бұйрығымен бекітілген Әлеуметтік кәсіпкерлік субъектілерінің тізілімін жүргізу қағидаларымен (...
Кәсіпкерлік субъектілерін жоспардан тыс тексерулер қандай жағдайларда мүмкін?
Қазақстан Республикасы Кәсіпкерлік Кодексінің 144-бабының 4-тармағына сәйкес бақылау және қадағалау органы адамның өмірі мен денсаулығына, қоршаған ортаға, жеке және заңды тұлғалардың, мемлекеттің заңды мүдделеріне төнген тікелей қатердің алдын алу және (немесе) оны жою мақсатынд...
