Келешек мектептерінің жай-күйі
Ақтөбе облысы бойынша 2026 жылдың қаңтар-наурыз айларында мониторинг 8 жалпы білім беретін Келешек мектептерінің білім беру қызметіне жүргізілді. Олар, «Ақтөбе қаласының білім бөлімі» ММ «№79 жалпы орта білім беретін мектебі» КММ (300 орындық), «Ақтөбе қаласының білім бөлімі» ММ «№80 жалпы білім беретін орта мектебі» КММ (2000 орындық), «Ақтөбе қаласының білім бөлімі» ММ «№82 жалпы білім беретін орта мектебі» КММ (2000 орындық), «Ақтөбе қаласының білім бөлімі» ММ «№83 жалпы білім беретін орта мектебі» КММ (600 орындық), «Ақтөбе облысының білім басқармасы Мәртөк ауданының білім бөлімі» ММ «Саржансай жалпы орта білім беретін мектебі» КММ (300 орындық), «Сазды орта мектебі» КММ, «№85 жалпы білім беретін орта мектебі» КММ (600 орындық), «№84 жалпы білім беретін орта мектебі» КММ (2000 орындық).
Мониторинг барысында білім беру ұйымдарының материалдық-техникалық базасының жарақтандырылуы, санитарлық тораптармен, оқулықпен, оқу-әдістемелік кешендермен қамтамасыз етілуі, педагог кадрлардың сапалық құрамы, мектепішілік бақылау шараларының жүргізілуі, «Адал Азамат» бағдарламасының іске асырылуы зерделенді.
https://www.instagram.com/reel/DUAyFQVCGuB/?igsh=MW11dmppeWwxN29lMA ==
https://www.instagram.com/reel/DUBD3x5DLN2/?igsh=aHlsNHZwaWhsN2px
https://www.instagram.com/reel/DUBV8AnCDOO/?igsh=MXhsM2JxeGR1cjN5aQ ==
https://www.instagram.com/reel/DUDUWLGCLlZ/?igsh=bGRhemU4MG1qd24z
https://www.instagram.com/reel/DUDltT_iMeE/?igsh=OXY0bWdhd3FuMml1
https://www.instagram.com/p/DUDz31vCGxc/?igsh=MTh3aXNuaWk0MHZ3cw ==
https://www.instagram.com/reel/DUI5rMiiO46/?igsh=MW9zYWxpdGN5bzJkbQ
https://www.instagram.com/reel/DUqeBHuiEMs/?igsh=MTAyZmdnZ2pka3F2MQ ==
https://www.instagram.com/reel/DU_CiqNCMWm/?igsh=MXJ4NHowODBiYXR0bQ ==
https://www.instagram.com/reel/DV1lRcAiKrX/?igsh=MXZ3bnc2M2MwMXpqdQ==
Мектепішілік бақылау
Мектепішілік бақылау бойынша мониторинг Ақтөбе қаласының 8 мектебіне (№75 жалпы білім беретін орта мектебі, Благодар орта мектебі, №18 орта мектебі, Әбіш Кекілбайұлы атындағы №72 жалпы білім беретін орта IT мектеп-лицейі, №51 гимназия, Қаныш Сәтбаев атындағы орта мектеп-лицей, Ахмет Байтұрсынұлы атындағы лингвистикалық мектеп-гимназия, №8 орта мектебі) маусым айында жүргізілді.
Мониторинг барысында білім беру ұйымдарының мектепішілік бақылау жоспарының «Мектепке дейінгі тәрбие және оқыту, орта, арнаулы, қосымша, техникалық және кәсіптік, орта білімнен кейінгі білім беру ұйымдарының педагогтері жүргізу үшін міндетті құжаттардың тізбесін және олардың нысандарын бекіту туралы» Қазақстан Республикасы Білім және ғылым министрінің 2020 жылғы 6 сәуірдегі № 130 бұйрығы талабына сәйкес құрылуы,
оқу пәндерінің оқытылу жай-күйіне мониторинг жүргізу, электрондық сынып журналдарын тексеру, ТЖБ/БЖБ өткізілуіне бақылау, МБ нәтижелерін педагогикалық кеңесте қарау зерделенді.
Жаңа оқу жылына дайындық
Ақтөбе облысы бойынша 172935 оқушыны қамтыған 408 жалпы білім беретін мектеп жұмыс істейді.
Мемлекеттік білім беру ұйымдарының жаңа оқу жылына дайындығына маусым айында мониторингтің І кезеңі жүргізілді.
Білім беру ұйымдары Интернет желісіне қосылған. Байланыс операторларымен жасалған қолданыстағы келісімшарттар негізінде қызмет алуда.
Білім беру ұйымдарындағы интернетке қосылу жылдамдығы 50-ден 200 Мбит/с-қа дейінгі аралықты құрайды.
Қазіргі таңда 9 мектепке күрделі жөндеу жүргізуге жергілікті бюджеттен 3 088 960,0 теңге көлемінде қаржы қарастырылған. Күрделі жөндеу жұмыстары жалғасуда. Дайындық деңгейі 70 % құрайды.
262 мектепке ағымдағы жөндеу жұмыстары жоспарланған. Оның ішінде 183 мектепке 264 372 106,0 теңге көлемінде қаржы қарастырылған. 183 мектепте жөндеу жұмыстары жалғасуда.
408 мектептің барлығы бейнебақылау жүйесімен толық қамтамасыз етілген. Білім беру ұйымдарында барлығы 18 015 бейнебақылау камерасы орнатылған болса, оның ішінде 12 215-і ішкі, 5 800-і сыртқы камералар.
Қауіпсіздікті күшейту мақсатында 137 мектепте лицензияланған күзет қызметі ұйымдастырылған. Сонымен қатар, 216 мектепте турникеттер, 194 мектепте дабыл түймелері орнатылған
343 мектеп (84%) спорттық жабдықтармен жабдықталған. Сонымен қатар, 318 (77,9%) мектепте химия кабинеті, 309 (75,7%) мектепте биология кабинеті, 320 (78,4%) мектепте физика кабинеті, 101 (24,7%) мектепте робототехника кабинеті жұмыс жасайды.
Кітапханамен 376 (92,1%) мектеп қамтылған. Оның ішінде 14 мектепте жеке оқу залы бар, ал 45 мектепте оқу залы кітапханамен біріктірілген.
393 мектеп (96,31%) асханамен, 32 мектеп буфетпен қамтылған. Асханалар мен буфеттер санитариялық талаптарға сәйкес қажетті технологиялық жабдықтармен жарақтандырылған.
Жалпы білім беретін мектептерде ішкі санитариялық тораптар қамтамасыз етілген. Ерекше білім берілуіне қажеттілігі бар білім алушылар үшін 160 мектепте (39,2%) арнайы жабдықталған санитариялық тораптар жасақталған.
2026–2027 оқу жылына 1-сыныпқа қабылдау жұмыстары облыстың барлық жалпы білім беретін мектептерінде жалғасуда. Сонымен қатар, мектептерде инклюзивті білім беруді ұйымдастыру бойынша қажетті жағдайлар кезең-кезеңімен қамтамасыз етілуде. Білім беру ұйымдарында ерекше білім берілуіне қажеттілігі бар балаларды оқыту үшін арнайы мамандар (логопед, дефектолог, педагог-ассистент және т.б.) қызмет атқарады, арнайы оқулықтар мен жұмыс дәптерлерімен қамтамасыз ету жұмыстары жүргізілуде. Сондай-ақ, мектептердің басым бөлігінде пандустар орнатылып, кедергісіз орта қалыптастыру бағытындағы жұмыстар жүзеге асырылған.