Әуезов ауданы әкімі аппаратының коммуналдық шаруашылық бөлімі туралы ЕРЕЖЕ

Әуезов ауданы әкімінің

2023 жылғы 15 қарашадағы

№ 192/к-ө өкімімен бекітілген

Әуезов ауданы әкімі аппаратының

коммуналдық шаруашылық бөлімі туралы

ЕРЕЖЕ

1. Жалпы ережелер

1. Аудан әкімі аппаратының коммуналдық шаруашылық бөлімі (бұдан әрі мәтін бойынша - Бөлім) «Алматы қаласы Әуезов ауданы әкімі аппараты» коммуналдық мемлекеттік мекемесінің құрылымдық бөлімшесі болып табылады.
2. Бөлім өзінің қызметінде Қазақстан Республикасының Конституциясы, кодекстар мен заңдарын, Қазақстан Республикасының Президенті мен Үкіметінің актілерін, басқа да нормативтік-құқықтык актілер мен осы Ережені басшылыққа алады.
3. Бөлімнің құрылымы мен штат санын Алматы қаласы Әуезов ауданының әкімі Қазақстан Республикасының заңнамасымен белгіленген тәртіпте бекітеді.
4. Бөлім:

1) басшы;

2) бас инспектор;

3) бас маман;

4) бас маман;

5) бас маманнан тұрады.

2. Міндеттер мен функциялары

5. Міндеті: су құбырлары, су бұру, электр, газ, жылу және телекоммуникациялық желілердегі пайдалану жұмыстарының орындалуын үйлестіру.

Функциялары:

1) уәкілетті мекемелермен (органдармен) бірлесе отырып, тұрғындарға сумен жабдықтау және су бұру бойынша сапалы қызметтердің көрсетілуін, инженерлік желілерді пайдаланудың кешенді жұмыстарының жүргізілуін қамтамасыз ету;

2) уәкілетті мекемелермен (органдармен) бірлесе отырып, тұрғындарға газбен жабдықтау, жылумен жабдықтау, ыстық су беру бойынша сапалы қызметтердің көрсетілуін қамтамасыз ету, газ құбырлары, газ реттеу пункттері, жылу желілері бойынша техникалық қызмет көрсету жұмыстарын ұйымдастыру, сондай-ақ газ шаруашылығын және жылу желілерін жылыту кезеңіне дайындау жұмыстарын жүргізу;

3) уәкілетті мекемелермен (органдармен) бірлесе отырып, тұрғындарға электрмен жабдықтаудың сапалы қызметтерінің көрсетілуін қамтамасыз ету, электр берілісінің тозған желілерін ауыстыру жұмыстарын ұйымдастыру, трансформаторлық қосалқы станциялардың қуаттарын ұлғайту, сондай-ақ электр желілерін пайдаланудың кешенді жұмыстарын жүргізу.

6. Міндеті: кондоминиум ресімделмеген жерлердегі аулалардың санитарлық тазалығын және көріктендірілуін қамтамасыз ету бойынша жұмыстарды жүргізу.

Функциялары:

1) тұрғын үй–коммуналдық шаруашылығы саласында ПИК-імен (пәтерлердің меншік иелерінің кооперативі), МИБ-імен (меншік иелерінің бірлестігі), ЖС-імен (жәй серіктестік) өзара іс-қимыл жасасу;

2) аулалық аумақтарды күрделі жөндеу, жарықтандыру, көгалдандыру және нысандары санитарлық тазалау бойынша жұмыстарды ұйымдастыру, кондоминиум ресімделмеген жерлердегі өтетін жолдарды, аула ішіндегі аумақтарды тазалау және күтіп ұстау;

3) тұрғын үй-коммуналдық шаруашылығы саласындағы инфрақұрылымды жақсарту бойынша мемлекеттік және қалалық бағдарламаларға («Тұрғын үй-коммуналдық шаруашылығын жаңғырту», «Аулалық аумақтарды көріктендіру және көгалдандыру», «Қауіпсіз қала» т.б) КТҮ-ін қатысуды (көппәтерлі тұрғын үй) үйлестіру;

4) кондоминиум нысандарын басқарудың жаңа формаларына - МИБ (мүлік иелерінің бірлестігі), ЖС (жәй серіктестік) көшу бойынша жұмыстарды жалғастыру;

5) жер жұмыстарының (жер қазу жұмыстарының) жүргізілуі және тротуарлардың, жол жабындарының, жасыл желектердің уақтылы қалпына келтірілуі бойынша мониторингті жүзеге асыру;

6) ауданның коммуналдық қызметтерін көрсетушілермен бірлесе отырып, дебиторлық қарызды төмендету жұмыстарын ұйымдастыру;

7) аула ішіндегі аумақтарды және магистралдық көшелерді сыртқы жарықтандыру бойынша мониторингті жүзеге асыру;

8) Аула ішіндегі аумақтарды және магистральдық көшелерді сыртқы жарықтандыру бойынша мониторингті жүзеге асыру;

9) шаруашылық есептің жүргізілуін жүзеге асыру;

10) тұрғын үй қорын түгендеу бойынша жұмыстарды ұйымдастыру;

11) Қазақстан Республикасының Әкімшілік рәсімдік-процесстік кодексіне сәйкес жеке және заңды тұлғалардың өтініштерін қарау.

3. Құқықтары мен міндеттері

Бөлім «Алматы қаласы Әуезов ауданы әкімінің аппараты» коммуналдық мемлекеттік мекемесі туралы Ережеге сәйкес, өз құзыреті шегінде мыналарды жүзеге асыруға құқылы:

- бөлімнің жүргізуіне жатқызылған мәселелер бойынша аудан әкімі, басқада мемлекеттік органдар өткізетін мәжілістерге және басқа да іс-шараларға бөлімнің жүргізуіне жатқызылған мәселелер бойынша қатысу;

- бөлімнің жүргізуіне жатқызылған мәселелер бойынша мемлекеттік органдардан және ұйымдардан заңнамамен белгілеген тәртіпке сәйкес қажетті ақпаратты және материалдарды сұрату және алу;

- бөлімнің құзіретіне жатқызылған ұсыныстарды аудан әкімінің қарауына еңгізу;

- бөлімнің қызметкерлеріне тиісінше еңбек жағдайларын жасалуын қамтамасыз ету және олардың біліктілігін көтеру;

- Қазақстан Республикасының заңнамасына сәйкес басқа да құқықтарды жүзеге асыру;

- Қазақстан Республикасының қолданыстағы заңнамасының талаптарын сақтап, орындауға міндетті.

4. Жауапкершілігі

Бөлім басшысы бөлімге осы Ереже арқылы жүктелген міндеттердің, функциялардың және құқықтардың сапалы және уақтылы, толық орындалуы үшін жауапкершілікте болады.

Бөлімнің қызметкерлері лауазымдық міндеттері негізінде өзіне жүктелген міндеттерді орындамағаны және/немесе тиісінше орындамағаны, уақтылы орындамағаны, Қазақстан Республикасының заңнамасына сәйкес құпия болып табылатын мәліметтері немесе қызметтік сипаттағы мәліметтер жария еткені үшін дербес жауапкершілікте болады.

Бөлім қызметкерлері қылмыстар жасағаны және құқық тәртібін бұзғаны үшін, Қазақстан Республикасының заңнамасы негізінде және онда белгіленген тәртіпке сәйкес қылмыстық, әкімшілік, материалдық жауапкершілікке тартылады.

5. Бөлімнің басқа да құрылымдық бөлімшелермен өзара іс-қимыл жасауы

Бөлімнің Алматы қаласы Әуезов ауданы әкімі аппаратының бөлімдері, қалалық мекемелердің және құрылымдық бөлімшелердің аумақтық бөлімшелері арасындағы өзара іс-қимыл жасауы ұйымдастыру-нұсқау беру сипатындағы құжаттарға сәйкес жүзеге асырылады.