«Қазақстан Республикасындағы сайлау туралы» Қазақстан Республикасы Конституциялық заңының 12, 26-1 және 37-баптарына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
- Саяси партиялардың атауларын сайлау бюллетеніне енгізу туралы жеребе тартуды өткізу нәтижелері негізінде Қазақстан Республикасы Құрылтайының депутаттарын сайлау жөніндегі сайлау бюллетенінің мәтіні осы қаулыға 1-қосымшаға сәйкес бекітілсін.
- Сайлау бюллетеньдерінің қорғалу дәрежесі осы қаулыға 2-қосымшаға сәйкес (қызмет бабында пайдалану үшін) белгіленсін.
- Қазақстан Республикасы Құрылтайының депутаттарын сайлау жөніндегі сайлау бюллетеньдерінің саны осы қаулыға 3-қосымшаға сәйкес белгіленсін.
- Қазақстан Республикасы Орталық сайлау комиссиясының аппараты Қазақстан Республикасы Құрылтайының депутаттарын сайлау жөніндегі сайлау бюллетеньдерін дайындауды және өңірлерге жеткізуді қамтамасыз етсін.
- Осы қаулы Қазақстан Республикасы Орталық сайлау комиссиясының интернет-ресурсында жариялансын.
- Осы қаулының орындалуын бақылау Қазақстан Республикасы Орталық сайлау комиссиясының мүшесі М.М. Бортникке жүктелсін.