«Қазақстан Республикасындағы сайлау туралы» Қазақстан Республикасы Конституциялық заңының 12-бабының 1), 6-1) тармақшаларына сәйкес Қазақстан Республикасының Орталық сайлау комиссиясы ҚАУЛЫ ЕТЕДІ:
- Астананың, облыстардың, республикалық маңызы бар қалалардың сайлау комиссиялары:
1) Қазақстан Республикасы Орталық сайлау комиссиясының 2009 жылғы 8 сәуірдегі № 161/306 қаулысымен бекітілген Дауыс беру құқығын беретін есептен шығару куәліктерін беру және есепке алу қағидаларына сәйкес
2026 жылғы 23 тамызға тағайындалған Қазақстан Республикасы Құрылтайының депутаттарын сайлауда дауыс беру құқығын беретін есептен шығару куәліктерін дайындауды қамтамасыз етсін және дайындалған саны туралы Қазақстан Республикасының Орталық сайлау комиссиясын хабардар етсін;
2) есептен шығару куәліктерін тиісті қалалық, аудандық, қаладағы аудандық сайлау комиссияларына бөлсін және жіберсін;
3) дауыс беру құқығын беретін есептен шығару куәліктерін 2026 жылғы 6 тамыздан кешіктірмей, учаскелік сайлау комиссияларына уақтылы жеткізуді қамтамасыз етсін.
- Осы қаулының орындалуын бақылау Қазақстан Республикасы Орталық сайлау комиссиясының хатшысы Ш.Ә. Өтемісовке жүктелсін.