ОтырысАяқталды
Шығыс Қазақстан облысының мәдениет басқармасы
Басқарма туралы
Мәдениет саласындағы мемлекеттік саясатты іске асырады, сонымен қатар тіл саясатын жүргізуді және оны үйлестіруді қамтамасыз етеді; театр, музыка және кино өнері, мәдени-демалыс қызметі, кітапхана және мұражай ісі салаларында облыстың мемлекеттік мәдениет ұйымдарын Шығыс Қазақстан облысы әкімдігінің құруына, қайта ұйымдастыруына және таратуына бастама жасайды, сондай-ақ олардың қызметін үйлестіруді жүзеге асырады; театр, музыка және кино өнерін, мәдени-демалыс қызметін және халық шығармашылығын, кітапхана және мұражай ісін дамыту жөніндегі облыстың мемлекеттік мәдениет ұйымдарының қызметін қолдайды және үйлестіреді, облыс мекемелерінің мәдениет саласындағы қызметін қамтамасыз етеді.
Жаңалықтар
Оқиғалар
ОтырысАяқталды
«Ретро-музейдің» ашылу салтанаты өтті
ОтырысАяқталды
«Мен жастарға сенемін!»: зияткерлік квиз
12 тамызда А. С. Пушкин атындағы Шығыс Қазақстан облыстық кітапханасында Халықаралық Жастар күніне орайластырылған мазмұнды әрі салтанатты іс-шара өтті. Белсенді де білімді қатысушылар үшін «Мен жастарға сенемін» атты зияткерлік ойын ұйымдастырылып, сонымен қатар тақырыптық кітап көрмесі көпшілік назарына ұсынылды. Мағжан Жұмабаевтың рухты жырын ұран еткен зияткерлік квиз тартысты да қызықты өтті. Ойынға қатысушылар тек білім деңгейін көрсетіп қана қоймай, тапқырлықтары мен шапшаңдықтарын да байқатты. Сайыс сұрақтары Абай Құнанбайұлының мұрасы, «Таза Қазақстан» экоакциясы және Жаңа Конституциядан бастап, жасанды интеллекттің мүмкіндіктері мен заманауи жастар өміріне қатысты басқа да өзекті тақырыптарды қамтыды. Іс-шара аясында қонақтар мен оқырмандар үшін арнайы кітап көрмесі ұйымдастырылды. Көрме сөрелеріне Абай Құнанбайұлының шығармалары, тарихи-өлкетану бағытындағы еңбектер, сондай-ақ жастардың тұлғалық дамуына арналған мотивациялық және психологиялық әдебиеттер қойылды. Келушілер өлке тарихына бойлап, өзін-өзі дамытуға арналған пайдалы кітаптармен танысуға мүмкіндік алды. Мұндай кездесулер жастардың интеллектуалдық әлеуетін ашып қана қоймай, олардың бойында отансүйгіштік сезімді ұялатып, жаңа білімге және үздіксіз дамуға ынталандырады.
ОтырысАяқталды
«Күмбірле, домбыра!»
ОтырысАяқталды
«Алтын тау Алтайым» кітабының тұсаукесері
3 шілде күні Пушкин атындағы Шығыс Қазақстан облыстық кітапханасында әнші-сазгер, мәдениет саласының ардагері Серік Сұлтанғалиұлы Бабахановтың «Алтын тау Алтайым» атты кітабының тұсаукесер кеші өтті. Ұлттық домбыра күні қарсаңында ұйымдастырылған тағылымды басқосу қазақ ән өнерін қадірлейтін қауымның басын қосты. Кештің шымылдығы Серік Бабахановтың сөзіне жазылған «Менің қос бәйтерегім» әнімен түрілді. «Алтын тау Алтайым» – бұл тек кітап қана емес, туған жерге деген перзенттік сағыныштың, өнерге деген адалдықтың және өмір жолында кездескен тағылымды сәттердің көркем шежіресі. Кездесу барысында Серік Сұлтанғалиұлы кітаптың жазылу тарихымен бөлісіп, Марқакөлдің көркем табиғатының шығармашылығына тигізген ықпалы, өнердегі алғашқы қадамдары, ән мен саздың адам өміріндегі орны туралы әсерлі әңгіме өрбітті. Жиналған қауым да өз сауалдарын қойып, өнер иесімен еркін пікір алмасты. Кештің салтанатты сәті – жаңа кітаптың тұсаукесер рәсімі болды. Бұл құрметті міндетті қазақтың дәстүрлі ән өнерінің көрнекті өкілдері мен мәдениет қайраткерлері атқарды. Олар жаңа туындыға ақ жол тілеп, автордың ұлттық өнерді дәріптеудегі еңбегіне жоғары баға берді. Салтанатты кеште Қазақстанның еңбек сіңірген артисі Рамазан Стамғазы, Қазақстанның еңбек сіңірген қайраткерлері Серікжан Әбдінұров, Еркін Шүкіманов, Толғанбай Сембаев, Ербол Айтпаев, Ерлан Рысқали, «Құрмет» орденінің иегері Ұлту Қабай жылы лебіздерін білдіріп, шығармашылық естеліктерімен бөлісті. Қонақтардың орындауындағы дәстүрлі әндер мен жүрекжарды тілектер кештің мазмұнын байытып, ұлттық өнердің мәртебесін асқақтатты. Өнердің қадірін ұлықтаған бұл жүздесу көрерменге ерекше әсер сыйлады. «Алтын тау Алтайым» кітабы туған жерге деген сүйіспеншілікті, ұлттық құндылықтарды дәріптейтін тағылымды еңбек ретінде көпшілікке жол тартты.
ОтырысАяқталды
«Журналистика жүрек ісі» кездесу
30 маусым күні Пушкин атындағы Шығыс Қазақстан облыстық кітапханасында белгілі журналист, Қазақстан Журналистер одағының мүшесі, облыстық «Дидар» газетінің ардагері Ғафура Сәрсенбайқызымен кездесу өтті. Рухани басқосуда қаламгер оқырмандармен емен-жарқын әңгімелесіп, өмір жолынан сыр шертті. Кездесу барысында журналистикадағы алғашқы қадамдары, ұзақ жылдар еңбек еткен «Дидар» газетінің өз өміріндегі орны, шығармашылықтағы ұстанымы мен кәсіби тәжірибесі жайында кеңінен әңгімеледі. Шара барысында Қазақстан Журналистер одағы Шығыс Қазақстан облыстық филиалының төрағасы Мерей Қайнарұлы сөз сөйлеп, Ғафура Сәрсенбайқызының өңірлік журналистиканы дамытуға қосқан үлесін жоғары бағалады. Кездесуде қаламгерге «Қазақстанның Құрметті журналисі» медалі табысталды. Кешке қатысқан журналист, аудармашы Жұмағазы Игісін, Айтұхамбет Қасым мен Уәлихан Тоқпатаев әріптестері ретінде естеліктерімен бөлісіп, Ғафура Сәрсенбайқызының адамгершілік болмысы мен шығармашылық еңбегіне жоғары баға берді. Еркін форматта өткен жүздесу оқырмандардың белсенді қатысуымен жалғасып, пікір алмасу алаңына ұласты. Кеш музыкалық тартулармен әрленіп, соңында қатысушылар естелік суретке түсіп, ардагер журналистке ақжарма тілектерін арнады.