«Шымкент қаласының мемлекеттік еңбек инспекциясы басқармасы» мемлекеттік мекемесі Шымкент қаласының аумағында Қазақстан Республикасы Еңбек кодексінің, сондай-ақ Қазақстан Республикасының «Халықты жұмыспен қамту туралы», «Қызметкер еңбек (қызметтiк) мiндеттерiн атқарған кезде оны жазатайым оқиғалардан мiндеттi сақтандыру туралы» заңдарының сақталуын бақылауды жүзеге асыратын Қазақстан Республикасының мемлекеттік органы болып табылады.
Жұмыскерлер мен жұмыс берушілермен кездесулер өткізу, еңбек заңнамасы, еңбек шарттарын жасасу, еңбекақы төлеу, жұмыс уақыты және еңбек қауіпсіздігі мәселелері бойынша түсіндіру жұмыстарын жүргізу.
Жасампаз еңбектің маңыздылығына, жұмысшы мамандықтардың беделін арттыруға, кәсіби дамуға және жұмыскерлердің еңбек жетістіктерін мойындауға арналған форум. Іс-шара аясында «Еңбек жолы» конкурсының жеңімпаздарын марапаттау жоспарлануда.
Еңбектің маңыздылығына, жұмыскерлердің кәсібилігіне, жұмысшы мамандықтарды дамытуға және еңбек жетістіктеріне арналған салтанатты іс-шаралар. 2026 жылы министрлік Еңбек күніне орай ауқымды форум өткізуді жоспарлап отыр.
Еңбектің беделін арттыруға, еңбек дәстүрлерін сақтауға және кәсіби жетістіктерді мойындауға бағытталған кәсіпорындар жұмыскерлері арасындағы конкурс. Байқау аясында үздік еңбек әулеті, үздік жас жұмыскер және үздік тәлімгер номинациялары қарастырылған.
Жұмыс беруші жұмыскерлерді медициналық тексеруден өткізуге міндетті ме?
Заңнамада көзделген жағдайларда жұмыс беруші өз қаражаты есебінен жұмыскерлерді міндетті алдын ала және мерзімдік медициналық қарап-тексеруден өткізуге міндетті.
Жұмыскердің өмірі мен денсаулығына қауіп төнген жағдайда ол не істеуі керек?
Жұмыскер өмірі мен денсаулығына қауіп төндіретін жағдай туралы жұмыс берушіге немесе тікелей басшысына дереу хабарлауы тиіс. Жұмыс беруші анықталған қауіпті жою және қауіпсіз еңбек жағдайларын қамтамасыз ету бойынша тиісті шаралар қабылдауға міндетті.
Жұмыс беруші жұмыскерлерді жеке қорғаныш құралдарымен қамтамасыз етуге міндетті ме?
Иә. Жұмыстың сипаты мен еңбек жағдайларына байланысты жұмыс беруші жұмыскерлерді қажетті жеке және ұжымдық қорғаныш құралдарымен қамтамасыз етуге және олардың дұрыс пайдаланылуын бақылауға міндетті.
Жұмыс беруші жұмыскерлерге еңбек қауіпсіздігі бойынша нұсқама өткізуге міндетті ме?
Иә. Жұмыс беруші жұмыскерлерге еңбек қауіпсіздігі және еңбекті қорғау мәселелері бойынша оқыту, нұсқама беру және білімін тексеруді белгіленген талаптарға сәйкес ұйымдастыруға міндетті.
Кәсіпорында еңбек қауіпсіздігіне кім жауап береді?
Жұмыс беруші жұмыскерлер үшін қауіпсіз еңбек жағдайларын қамтамасыз етуге және еңбек қауіпсіздігі мен еңбекті қорғау талаптарының сақталуын ұйымдастыруға міндетті.
Жұмыскер өндірістік жарақат алған жағдайда не істеуі керек?
Жұмыскер өндірістік жарақат немесе денсаулығына зиян келтірілген жағдайда бұл туралы жұмыс берушіге немесе тікелей басшысына дереу хабарлауы тиіс.
