Шарбақты ауданының әкімдігі

    Әкімдік туралы

    "Павлодар облысы Шарбақты ауданы әкімінің аппараты" мемлекеттік мекемесі жергілікті атқарушы органның және аудан әкімінің ақпараттық-талдау, ұйымдастыру-құқықтық және материалдық-техникалық саладағы қызметін қамтамасыз ететін мемлекеттік орган болып табылады.
    Әкім аппараты өз қызметін Қазақстан Республикасының Конституциясына, Қазақстан Республикасының Президенті мен Үкіметінің нормативтік актілеріне және қолданыстағы заңнамаға, сондай-ақ осы Ережеге сәйкес жүзеге асырады.

    Жаңалықтар

    Барлық жаңалықтар

    Сұрақ-жауап

    Сұрақ

    Ауыл шаруашылығы өндірісін жүргізу үшін жер учаскесін беру тәртібі?

    Жауап

    Қазақстан Республикасы Жер кодексінің 48-бабының 1-тармағында көзделген жағдайларды қоспағанда, мемлекеттік меншіктегі және жер пайдалануға берілмеген жер учаскелерін немесе жер учаскелерін жалға алу құқығын беру сауда-саттықта (конкурстарда, аукциондарда) жүзеге асырылады. Сауда-саттық Қазақстан Республикасы Ауыл шаруашылығы министрінің 2018 жылғы 20 желтоқсандағы № 518 бұйрығымен бекітілген, Ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты ұйымдастыру және өткізу қағидаларына сәйкес жүзеге асырылады. Конкурс өткізу туралы хабарламаны жариялау тиісті әкімшілік-аумақтық бірліктің аумағында таратылатын мерзімді баспасөз басылымдарында, аудандардың жергілікті атқарушы органдарының интернет-ресурстарында, арнайы ақпараттық стенділерде, сондай-ақ Қазақстан Республикасы Ауыл шаруашылығы министрлігінің Жер ресурстарын басқару жөніндегі орталық уәкілетті органының сайтында жүзеге асырылады. Конкурсқа қатысу үшін келесі құжаттар тапсырылады: 1) конкурсқа қатысуға өтінім; 2) конкурстық ұсыныс; Шаруа немесе фермер қожалығын, ауыл шаруашылығы өндірісін жүргізу үшін уақытша өтеулі жер пайдалану (жалға алу) құқығын беру жөніндегі конкурсты Жер комиссиясы Қазақстан Республикасы Жер Кодексінің 43-бабының 2-тармағына сәйкес өткізеді. Конкурс жеңімпазы бизнес-жоспар бойынша, оның ішінде конкурстық ұсыныста көрсетілген инвестициялардың болжамды көлемі бойынша балл беру жолымен бағаланады. Баяндалғанға байланысты аудандардың, облыс қалаларының жергілікті атқарушы органдары ауыл шаруашылығы мақсатындағы жерлерді беру жөніндегі конкурс жариялағаннан кейін әрбір жеке не заңды тұлға оған қатысуға құқылы.

    Сұрақ

    Жер учаскесінің нысаналы мақсатын өзгерту тәртібі ?

    Жауап

    Жер учаскелерінің нысаналы мақсатын өзгерту Қазақстан Республикасы Жер кодексінің 49-1-бабымен регламенттелген. Жер учаскесінің нысаналы мақсатын өзгертуді облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органдары, аудандық маңызы бар қаланың, кенттің, ауылдың, ауылдық округтің әкімі жер учаскесінің орналасқан жері бойынша жүзеге асырады. Жер учаскесінің нысаналы мақсатын өзгерту мемлекеттік қызмет болып табылады және Қазақстан Республикасының заңнамасымен реттеледі. Осы Кодекстің 49-1-бабының талаптарына сәйкес жеке және заңды тұлғалар жер учаскесінің орналасқан жері бойынша жергілікті атқарушы органға қағаз жеткізгіште не Қазақстан Республикасының заңнамасына сәйкес "электрондық үкімет" веб-порталы немесе Мемлекеттік корпорация арқылы өтініш береді. Жер учаскесінің нысаналы мақсатын өзгерту туралы шешім осы Жер Кодексінің 43-бабының 2-тармағына сәйкес құрылатын жер комиссиясының қорытындысы негізінде қабылданады. Қазақстан Республикасы Ауыл шаруашылығы министрінің 2020 жылғы 01 қазандағы № 301 бұйрығымен бекітілген "Жер учаскесінің нысаналы мақсатын өзгертуге шешім беру" мемлекеттік қызмет көрсету қағидаларына сәйкес өтінішті қабылдау және мемлекеттік қызмет көрсету нәтижелері туралы ақпарат көрсетілетін қызметті алушының жеке кабинетіне жіберіледі не көрсетілетін қызметті берушінің кеңсесі арқылы беріледі.

    Сұрақ

    ЭЦҚ кілтін қайта шығару немесе жаңа ЭЦҚ кілттерін алу мерзімі аяқталды.

    Жауап

    ҚР Ұлттық куәландырушы орталық тіркеу куәлігінің қолданылу мерзімінің аяқталуына байланысты сізге өтінім онлайн режимде pki.gov.kz сайтында немесе қажет құжаттар жиынтығын ХҚКО-ға беру болады (сондай-ақ өтінімді тікелей ХҚКО-ға тапсыруға болады).

    Сұрақ

    Мүгедектігі бар адамдарды оңалту құралдарымен және қызметтерімен қамтамасыз ету

    Жауап

    Мүгедектігі бар адамдар үшін оңалту құралдары мен қызметтері абилитациялау және оңалтудың жеке бағдарламасы негізінде көрсетіледі. Абилитациялау және оңалтудың жеке бағдарламасы бар мүгедектігі бар адам оңалту құралдары мен қызметтерін ұсынуға өтініш береді. Өтінішті қабылдағаннан кейін уәкілетті орган мүгедектігі бар адамды әлеуметтік қызметтер порталына жолдайды, мүгедектігі бар адам өзінің жеке қажеттіліктеріне қарай абилитациялау және оңалтудың жеке бағдарламасында ұсынылған өнімді немесе қызметті таңдай алады.

    Сұрақ

    Жұмыссыз адам ретінде қалай тіркелуге болады?

    Жауап

    Жұмыссыз адам ретінде тіркелу үшін бірінші кезекте жұмыс іздеуші ретінде тіркелу қажет. (Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 9 маусымдағы № 214 бұйрығымен бекітілген «Жұмыс іздеп жүрген, жұмыс істемейтін және еңбек делдалдығын жүзеге асыратын, мансап орталықтары деп танылатын адамдарды тіркеу қағидаларына» сәйкес). «Жұмыс іздеп жүрген адамдарды тіркеу» мемлекеттік қызмет көрсету бойынша тәсілдері: Мансап орталығы, «Электрондық үкімет» веб-порталы: www.egov.kz., «Ээлектрондық еңбек биржасы» мемлекеттік ақпараттық порталы (сайт www.enbek.kz ). Мансап орталығында жұмыс іздеуші ретінде тіркелу үшін келесі құжаттарды көрсету қажет: 1) көрсетілетін қызметті алушының жеке басын куәландыратын құжат немесе цифрлық құжаттар сервисінен электрондық құжат (жеке басын сәйкестендіру үшін); 2)еңбек қызметін растайтын құжат (бар болса); 3) білімі, біліктілігі, арнайы білімінің немесе кәсіптік даярлығының болуы туралы құжат (бар болса). «Электрондық үкіметтің» веб-порталы арқылы жұмыс іздеп жүрген адам ретінде тіркелу үшін: www.egov.kz немесе «Электрондық еңбек биржасы» мемлекеттік ақпараттық порталы көрсетілетін қызметті алушы көрсетілетін қызметті алушының электрондық цифрлық қолтаңбасымен куәландырылған электрондық құжат нысанында 2-қосымшаға сәйкес жұмыс іздеп жүрген адам ретінде тіркелу үшін мәліметтер нысанын толтырады. Порталда мемлекеттік көрсетілетін қызмет нәтижесін алған күнін көрсете отырып, өтінімнің қабылданғаны туралы хабарлама көрсетілетін қызметті алушының «жеке кабинетіне» жіберіледі. Егер Мансап орталығы үш жұмыс күні өткеннен кейін жұмыс іздеп жүрген адам үшін қолайлы жұмыс таңдамаса немесе жұмыс іздеп жүрген адам ұсынылған жұмыстан бас тартса, онда Мансап орталығының маманы бір жұмыс күні ішінде халықты жұмыспен қамту мәселелері жөніндегі жергілікті органға «Еңбек нарығы» ААЖ арқылы электрондық түрде жұмыс іздеп жүрген адамды жұмыссыз ретінде тіркеу туралы шешім жобасын жібереді.

    Ақпарат

    12.11.2026 жылғы жағдай бойынша аудан әкімі аппаратындағы, ауылдық округ әкімдері аппараттарындағы және Шарбақты ауданының дербес бөлімдеріндегі бос жұмыс орындары туралы АҚПАРАТ

    № р/р Мекеменің атауы Бос лауазым Санат Саны 1. «Шарбақты ауданы әкімінің аппараты» ММ Персаналды басқару қызметінің басшысы Е-3 1 2. «Шарбақты ауданы әкімінің аппараты» ММ ұйымдастыру-бақылау жұмысы және құжаттамалық қамтамасыз ету бөлімінің бас маманы Е-4 1 3. «Шарбақты ауданы әкімінің аппараты» ММ Мемлекеттік-құқықтық бөлімінің басшысы E-3 1 4. «Шарбақты ауданы әкімінің аппараты» ММ мемлекеттік-құқықтық бөлімінің бас маманы (уақыт. 12.08.2029 жылға дейін) Е-4 1 5. «Шарбақты ауданы әкімінің аппараты» ММ Аудандық терроризмге қарсы комиссияның қызметін ұйымдастыру және үйлестіру жөніндегі бас маман Е-4 1 6. "Шарбақты ауданының кәсіпкерлік және ауыл шаруашылығы бөлімі" Бас маман Е-R-4 1 7. "Шарбақты ауданының кәсіпкерлік және ауыл шаруашылығы бөлімі" Бас маман Е-R-4 1 8. "Шарбақты ауданының экономиканың нақты секторы бөлімі" КММ Сектор меңгерушісі Е-R-3 1 9. "Шарбақты ауданының экономиканың нақты секторы бөлімі" КММ Бас маман E-R-4 1 10. "Шарбақты ауданының жер қатынастары бөлімі" ММ Бас маман E-R-4 1 11. "Шарбақты ауданы Шалдай ауылдық округі әкімінің аппараты" ММ Бас маман E-G-3 1 12. "Шарбақты ауданы Шалдай ауылдық округі әкімінің аппараты" ММ Бас маман (уақыт. 24.06.2029 жылға дейін) E-G-3 1 13. "Шарбақты ауданы Жылы-Бұлақ ауылдық округі әкімінің аппараты" ММ Бас маман E-G-3 1 14. "Шарбақты ауданының ішкі саясат және тілдерді дамыту бөлімі" Бас маман E-R-4 1 15. "Шарбақты ауданы Орловка ауылдық округі әкімінің аппараты" ММ Бас маман (бухгалтер) E-G-3 1 16. Шарбақты ауданы Шарбақты ауылдық округі әкімінің аппараты КММ " Бас маман (бухгалтер) E-G-3 1 17. Шарбақты ауданы Шарбақты ауылдық округі әкімінің аппараты КММ " «Шарбақты ауданының Шарбақты ауылдық округ әкімінің аппараты» коммуналдық мемлекеттік мекемесінің әкімінің орынбасары E-G-1 1

    Жарияланды:
    Бюджет

    "Шарбақты ауданының қаржы бөлімі" ММ 1.11.2026 жылға арналған "бюджетті орындау сатысында" Азаматтық бюджет

    Жарияланды:
    Ақпарат

    Павлодар облысы Шарбақты ауданы Александровка және Шарбақты ауылдық округтерінің әкімдерін тіркеу туралы хабарлама

    Қазақстан Республикасының «Қазақстан Республикасындағы сайлау туралы» Конституциялық заңының 14-бабының 9) тармақшасына, 45-бабына, 113-11 бабының 1-тармағына сәйкес Шарбақты аудандық аумақтық сайлау комиссиясының 2026 жылғы11қарашадағы№55шешімімен 2026 жылғы8қарашадасайланғанЖанат Кабиболлаевич ЖаровПавлодар облысы Шарбақты ауданыАлександровкаауылдық округінің әкімі, Шарбақты аудандық аумақтық сайлау комиссиясының 2026 жылғы 11 қарашадағы №56 шешімімен 2026 жылғы 8 қарашада сайланған Жанат Бисембаевич Баисов Павлодар облысы Шарбақты ауданы Шарбақты ауылдық округінің әкіміболып тіркелді. Шарбақты аудандық аумақтық сайлау комиссиясы

    Жарияланды:
    Ақпарат

    2026 жылғы 8 қарашада өткен Шарбақты ауылдық округінің әкімін сайлау қорытындылары туралы хабарлама

    2026 жылғы 8 қарашада Шарбақты ауылдық округі әкімінің сайлауы өтті. Сайлаушылар тізіміне 6118 азамат енгізілді. Дауыс беруге – 3255 сайлаушы, оның ішінде дауыс беруге арналған үй-жайлардан тыс – 118 қатысты. Кандидаттардың жалпы саны - 3. Шарбақты ауылдық округі әкімі сайлауының мынадай қорытындылары белгіленді: Баисов Жанат Бисембаевичүшін сайлаушылардың 2158 дауысы берілді; Дружинин Владимир Витальевичүшін сайлаушылардың 491 дауысы берілді; Хауменова Айгуль Рахметовнаүшін сайлаушылардың 549 дауысы берілді. «Барлығына қарсы» белгісі бар бюллетеньдер саны –45. Сайлау қорытындысы бойынша Шарбақты ауылдық округі әкіміболып сайланды: Баисов Жанат Бисембаевич, 1986 жылы туған,«Шарбақты ауданы Шарбақты ауылдық округі әкімінің аппараты» КММ бас маман,Павлодар облысы Шарбақты ауданы Шарбақты ауылында тұрады. Шарбақты аудандық аумақтық сайлау комиссиясы

    Жарияланды:
    Ақпарат

    2026 жылғы 8 қарашада өткен Александровка ауылдық округінің әкімін сайлау қорытындылары туралы хабарлама

    2026 жылғы 8 қарашада Александровка ауылдық округі әкімінің сайлауы өтті. Сайлаушылар тізіміне 1176 азамат енгізілді. Дауыс беруге – 601 сайлаушы, оның ішінде дауыс беруге арналған үй-жайлардан тыс – 52 қатысты. Кандидаттардың жалпы саны - 2. Александровка ауылдық округі әкімі сайлауының мынадай қорытындылары белгіленді: Жаров Жанат Кабиболлаевичүшін сайлаушылардың 415 дауысы берілді; Жусупов Канат Кабыкеновичүшін сайлаушылардың 169 дауысы берілді; «Барлығына қарсы» белгісі бар бюллетеньдер саны –11. Сайлау қорытындысы бойынша Александровка ауылдық округі әкіміболып сайланды: Жаров Жанат Кабиболлаевич, 1988 жылы туған,Павлодар облысы бойынша Мемлекеттік кірістер департаментінің «Шарбақты ауданы бойынша Мемлекеттік кірістер басқармасы» РММ бас маманы, Павлодар облысы Шарбақты ауданы Шарбақты ауылында тұрады. Шарбақты аудандық аумақтық сайлау комиссиясы

    Жарияланды:
    Бюджет

    АЗАМАТТЫҚ "БЮДЖЕТ БЮДЖЕТТІ САТЫСЫНДА АТҚАРУ" "ШАРБАҚТЫ АУДАНЫНЫҢ ҚАТЫНАСТАРЫ ММ ЖЕР БӨЛІМІ" 1.11.2026 ЖЫЛҒА

    Жарияланды: