"Павлодар облысының білім беру басқармасы" мемлекеттік мекемесі

«ҮЗДІК ПЕДАГОГ» КОНКУРСЫН ӨТКІЗУ ТУРАЛЫ ХАБАРЛАНДЫРУ

Павлодар облысының білім беру басқармасы 2026 жылы «Үздік педагог» конкурсын өткізу бойынша төмендегіні хабарлайды. Қазақстан Республикасы Білім және ғылым министрінің 2015 жылғы 16 қаңтардағы № 12 бұйрығымен бекітілген «Үздік педагог» атағын беру қағидаларына сәйкес: Аудандық кезең – 27 тамыз – 11 қыркүйек аралығы: 27 тамыз – 3 қыркүйек – конкурсқа қатысу үшін құжаттарды жүктеу; 4 – 11 қыркүйек – өңірлік комиссияның конкурс материалдарын қарауы және шешім қабылдауы. Облыстық кезең – 14 – 21 қыркүйек аралығы: 14 – 16 қыркүйек – конкурсқа қатысу үшін құжаттарды жүктеу; 17 – 21 қыркүйек – өңірлік комиссияның конкурс материалдарын қарауы және шешім қабылдауы. Республикалық кезең – 22 қыркүйек – 15 қазан аралығы: 22 қыркүйек – 2 қазан – конкурсқа қатысушылардың құжаттарын жүктеу; 5 – 15 қазан – Республикалық комиссия мүшелерінің конкурсқа қатысушылардың материалдарын қарауы, сондай-ақ білім беру ұйымында күндізгі форматта конкурсқа қатысушы өткізетін сабақтарды/оқуларды бағалауы. Конкурсқа қатысу үшін құжаттарды жүктеу «Үздік педагог» ақпараттық жүйесі арқылы жүзеге асырылады: https://uzdikustaz-nobd.edu.kz/#/sign-in

«Павлодар облысының білім беру саласына қосқан үлесі үшін» төсбелгісі түрінде педагогтарды көтермелеудің қосымша шараларын тағайындау

«Павлодар облысының білім беру басқармасы» ММ (бұдан әрі – Басқарма) Павлодар облысы әкімдігінің 2020 жылғы 5 тамыздағы «Павлодар облысының педагогтарын көтермелеудің қосымша шараларын белгілеу туралы» №167/3 қаулысына сәйкес «Павлодар облысының білім беру саласына қосқан үлесі үшін» төсбелгісі түрінде педагогтарды көтермелеудің қосымша шараларын тағайындау үшін құжаттар жинауды жариялайды. Қатысушыларға қойылатын негізгі талаптар: Төсбелгімен білім беру ұйымдарында 10 (он) және одан да көп жыл жұмыс өтілі бар мектепке дейінгі, жалпы білім беретін, мамандандырылған және арнайы білім беру ұйымдарының, қосымша білім беру, техникалық және кәсіптік, орта білімнен кейінгі білім беру ұйымдарының, жетім балалар мен ата-анасының қамқорлығынсыз қалған балаларға арналған білім беру ұйымдарының педагогтары, келесі шарттардың бірі болған жағдайда: 1) Облыстық немесе Республикалық сараптамалық кеңестерде мақұлдау алған оқу-әдістемелік кешендердің, оқулықтар мен әдістемелік-дидактикалық материалдардың авторлары (бірлескен авторлар) болып табылатындар; 2) білім беру саласындағы уәкілетті орган бекіткен тізбеге сәйкес жалпы білім беретін пәндер бойынша күндізгі республикалық және халықаралық олимпиадалар, ғылыми жобалар конкурстарының (ғылыми жарыстардың), орындаушылар конкурстарының, кәсіби шеберлік конкурстарының және спорттық жарыстардың жеңімпаздарын, жүлдегерлерін дайындаған; 3) күндізгі кәсіптік конкурстардың, облыстық, республикалық, халықаралық деңгейлердегі педагогикалық олимпиадалардың жеңімпаздары, жүлдегерлері немесе халықаралық деңгейдегі кәсіптік іс-шараларға қатысушылар болып табылатындар марапатталады. Төсбелгіні беруге 5 (бес) жыл ішінде материалдық көтермелеу алған «Үздік педагог» республикалық конкурсының жеңімпаз-педагогтарының кандидатуралары қарауға жіберілмейді. Конкурсқа қатысуға тілек білдірген педагогтарға конкурстық комиссияға келесі құжаттарды тапсырады: Өтінім Портфолио Педагог портфолиосы оның жеке кәсіби жетістіктерін немесе білім алушылардың жетістіктерін растайтын соңғы 3 (үш) жылдағы материалдарды қамтиды. Конкурсқа қатысу үшін қажетті құжаттарды 2026 жылғы 8 қыркүйектен 21 қыркүйекке дейін Олжабай батыр көшесі, 22А мекенжайы бойынша қағаз түрінде белгіленген тәртіппен қабылданады.

НАЗАР АУДАРЫҢЫЗДАР: 18 МАУСЫМНАН 1-СЫНЫПҚА ҚҰЖАТ ҚАБЫЛДАУ БАСТАЛАДЫ

Құрметті ата-аналар! Павлодар облысында 1-сыныпқа құжаттарды қабылдау ағымдағы жылдың 18 маусымынан 31 тамызына дейін жүргізіледі. Өтінішті 31 тамызға дейін egov.kz порталы арқылы электронды форматта беруге болады. Білім беру ұйымында мектепалды даярлық бағдарламасын меңгеріп, осы мектепте оқуын жалғастыруға ниет білдірген балалар 1-сыныпқа автоматты түрде қабылданады. Ал баласын басқа мектепке орналастыруды жоспарлаған ата-аналар құжаттарды жалпы белгіленген тәртіппен тапсырады. 1-сыныпқа балалар 6 жастан бастап, ата-анасының өтініші негізінде, дайындық деңгейіне қарамастан қабылданады. Биыл облыс мектептеріне 10 мыңнан астам бірінші сынып оқушысы қабылданады деп жоспарлануда. Өтініш беру үшін қажетті құжаттар: ата-анасының немесе заңды өкілінің өтініші; №065-у және №052-2/у нысандарындағы медициналық анықтамалар. Өлшемі 3×4 см фотосурет (2 дана)

Бірінші сыныпқа құжат қабылдау мерзімі бекітілді

Оқу-ағарту министрлігі 2026–2027 оқу жылына арналған бірінші сыныпқа құжат қабылдау науқанын кезең-кезеңмен ұйымдастыру кестесін бекітті. Құжат қабылдау 2026 жылдың 27 мамыр мен 31 тамыз аралығында жүргізіледі. Бұл ақпараттық жүйелерге түсетін жүктемені азайтып, ата-аналар үшін өтініш беру процесін ыңғайлы етуге мүмкіндік береді. Құжаттарды электрондық үкімет порталында тіркелу арқылы OQU платформасында онлайн түрде, сондай-ақ білім беру ұйымдарына тікелей барып тапсыруға болады. Өңірлер бойынша қабылдау мерзімдері төмендегідей: 18 маусым – 31 тамыз Павлодар облысы.

"ХАЛЫҚ ҮНІНЕ ҚҰЛАҚ АСАТЫН МЕМЛЕКЕТ" ТҰРЖЫРЫМДАМАСЫН ІСКЕ АСЫРУ АЯСЫНДА ДЕЙІН "АЗАМАТТАРДЫ БІРЫҢҒАЙ ҚАБЫЛДАУ КҮНІ" ӨТКІЗІЛЕДІ

Мемлекеттік білім беру тапсырысын орналастыру бойынша конкурс

Конкурстық рәсімдерді өткізу мерзімі конкурс өткізу туралы хабарландыру мәтіні ресми интернет-ресурста жарияланған күннен бастап 32 (отыз екі) жұмыс күнін құрайды. Өтінімдерді қабылдау «Павлодар облысының білім беру басқармасы ММ-нің хабарландыру жариялаған күннен басталады. Конкурсқа кемінде бір жыл ерекше білім беру қажеттіліктері бар балаларға арнайы психологиялық-педагогикалық қолдау көрсету саласында жұмыс тәжірибесі бар және төмендегілерді қамтамасыз еткен ұйымдар жіберіледі: Қазақстан Республикасы Оқу-ағарту министрінің 2022 жылғы 31 тамыздағы «Жоғары және жоғары оқу орнынан кейінгі білім беру ұйымдарын қоспағанда, тиісті типтердегі және түрлердегі білім беру ұйымдары қызметінің үлгілік қағидаларын бекіту туралы» № 385 бұйрығымен бекітілген әлеуметтік-педагогикалық жіктемеге сәйкес дамуында ауытқулары бар балалар санаттары бойынша (есту, көру, тірек-қимыл аппараты, интллект, сөйлеу бұзылыстары, психикалық дамуының тежелуі, қарым-қатынас және әлеуметтік өзара әрекеттесу бұзылыстары (аутизм спектрінің бұзылыстары), күрделі (қосарланған) бұзылыстары бар балалар) орындар санының болуы, сондай-ақ 2022 жылғы 29 желтоқсандағы «Мүмкіндігі шектеулі балаларды арнайы психологиялық-педагогикалық қолдауға мемлекеттік білім беру тапсырысын орналастыру қағидаларын бекіту туралы» №532 бұйрыққа сәйкес белгіленген нысан бойынша өтініш ұсыну (бұдан әрі – Өтініш); Қазақстан Республикасы Денсаулық сақтау министрінің 2021 жылғы 5 тамыздағы «Білім беру объектілеріне қойылатын санитариялық-эпидемиологиялық талаптар» № ҚР ДСМ-76 бұйрығымен бекітілген санитариялық қағидаларға сәйкес жағдайлардың болуы (бұдан әрі – Санитариялық қағидалар); Қазақстан Республикасы Төтенше жағдайлар министрінің 2022 жылғы 21 ақпандағы «Өрт қауіпсіздігі қағидаларын бекіту туралы» № 55 бұйрығына сәйкес жағдайлар (бұдан әрі – Өрт қауіпсіздігі қағидалары); Төтенше жағдайлар туындаған кезде хабарлау жүйесінің болуы (дабыл түймесі, автоматты хабарлау жүйесі, оның ішінде ішкі дауыс арқылы хабарлау жүйесі); Қазақстан Республикасы Үкіметінің 2021 жылғы 6 мамырдағы «Террористік тұрғыдан осал объектілердің терроризмге қарсы қорғалуын ұйымдастыру талаптарын бекіту туралы» № 305 қаулысына сәйкес терроризмге қарсы қорғаныс (бейнебақылау жүйесінің болуы); Қазақстан Республикасы Білім және ғылым министрінің 2022 жылғы 12 қаңтардағы «Ерекше білім беру қажеттіліктерін бағалау қағидаларын бекіту туралы» № 4бұйрығына сәйкес ерекше білім беру қажеттіліктері бар балаларды тәрбиелеу және оқыту үшін арнайы жағдайлар, Қазақстан Республикасының 2001 жылғы 16 шілдедегі «Қазақстан Республикасындағы сәулет, қала құрылысы және құрылыс қызметі туралы» № 242 Заңына сәйкес қолжетімді орта және № 385 бұйрықпен бекітілген Арнайы білім беру ұйымдары қызметінің үлгілік қағидаларының 4-тарауына сәйкес арнайы психологиялық-педагогикалық қолдауды ұйымдастыру; Қазақстан Республикасы Білім және ғылым министрінің 2016 жылғы 22 қаңтардағы «Мектепке дейінгі, орта білім беру ұйымдарын, сондай-ақ арнайы білім беру ұйымдарын жабдықтармен және жиһазбен жарақтандыру нормаларын бекіту туралы» № 70 бұйрығына сәйкес жабдықтармен және жиһазбен жарақтандыру; Санитариялық қағидаларға сәйкес медициналық қызмет көрсету және алғашқы медициналық көмек көрсету; Қазақстан Республикасы Білім және ғылым министрінің 2009 жылғы 13 шілдедегі «Педагогтердің лауазымдарының үлгілік біліктілік сипаттамаларын бекіту туралы» № 338 бұйрығына сәйкес тиісті бейін бойынша педагогикалық немесе өзге де кәсіптік білімі бар педагог кадрлардың болуы және Қазақстан Республикасы Оқу-ағарту министрінің міндетін атқарушының 2023 жылғы 21 шілдедегі «Мемлекеттік білім беру ұйымдары қызметкерлерінің үлгілік штаттарын бекіту туралы» № 224 бұйрығына сәйкес штат санының болуы; Қазақстан Республикасы Білім және ғылым министрінің 2022 жылғы 14 қаңтардағы Бірыңғай сатып алу платформасы арқылы мемлекеттік білім беру тапсырысының көрсетілетін қызметтерінің шарттарын жасасу қағидаларын бекіту туралы» № 12 бұйрыққа сәйкес мемлекеттік сатып алулар веб-порталында тіркелу. Мемлекеттік білім беру тапсырысын орналастыруға үміткер ұйымдар хабарландыру жарияланған күннен бастап 5 жұмыс күні ішінде келесі құжаттарды электрондық форматта ([email protected]) электрондық поштасына немесе қағаз түрінде ұсынады: Өтініш; ұйым басшысының қолымен расталған бейнебақылау камераларының, дабыл түймесінің және дауыстық хабарлау жүйесінің орналасу сызбасы; Санитариялық қағидаларға сәйкес медициналық қамтамасыз етуді жүзеге асыруға арналған аумақтық бастапқы медициналық-санитариялық көмек ұйымымен жасалған шарт; штаттық кестенің көшірмесі және педагогикалық немесе бейіндік білімі бар педагогтердің белгіленген үлгідегі білім туралы құжаттарының көшірмелері; жылжымайтын мүлікке құқықтардың (ауыртпалықтардың) мемлекеттік тіркеуі туралы белгісі бар құқық белгілейтін құжат немесе жалға алу, өтеусіз пайдалану, сенімгерлік басқару құқығын растайтын құжат (шарт мерзімі мемлекеттік білім беру тапсырысын игеру мерзімі аяқталғанға дейін жарамды болуы тиіс). Павлодар облысының білім бері басқармасы құрған комиссия мемлекеттік электрондық ақпараттық жүйелер арқылы (www.egov.kz, www.elicense.kz «электрондық үкімет» веб-порталы) арқылы алынған келесі құжаттардың болуын және жарамдылығын тексереді: заңды тұлғаны мемлекеттік тіркеу/қайта тіркеу туралы анықтама және/немесе қызметтің басталғаны немесе тоқтатылғаны туралы хабарлама; медициналық қызметке лицензия (медициналық көмек көрсету туралы шарт болмаған жағдайда); ұйымның санитариялық-эпидемиологиялық талаптарға сәйкестігі туралы санитариялық-эпидемиологиялық қорытынды; мемлекеттік кірістер органдарында есепке алынатын берешектің жоқтығы (бар-жоғы) туралы мәліметтер (құжаттарды конкурсқа ұсыну күнінен бұрын бір айдан ерте емес мерзімде берілген). Өтінімдерді қабылдау басталатын күн: 2026 жылғы 08 сәуірде; Өткізу орны: «Павлодар облысының білім беру басқармасы» ММ, мекенжайы: Павлодар қаласы, Қайырбаев көшесі, 32, 111-кабинет. Анықтама телефоны: 8 (7182) 324105.