Шығыс Қазақстан облысының Төтенше жағдайлар департаменті

Бүгінгі таңда Шемонаиха, Алтай, Риддер аудандарында өрт сөндіру автомобильдерінің жүргізуші-қызметкерлерінің үлкен тапшылығы бар. Құқық қорғау органдарына қызметке ерікті негізде он сегіз жасқа толған, отыз бес жастан аспаған, орта білімнен төмен емес, Қорғаныс министрлігінің мамандандырылған ұйымдарында әскери қызмет немесе әскери даярлықтан өткен Қазақстан Республикасының азаматтары, сондай-ақ Қазақстан Республикасының заңнамасына сәйкес мерзімді әскери қызметке шақырудан босатылған немесе кейінге қалдырылған азаматтар қабылданады. Іріктеу келесі келесі кезеңдерді қамтиды: 1) іріктеуді өткізу туралы хабарландыруды жариялау; 2) іріктеуге қатысуға ниет білдірген кандидаттардан құжаттарды қабылдау; 3) кандидаттардың әскери-дәрігерлік комиссияларда (бұдан әрі – ӘДК)Медициналық және психофизиологиялық куәландырудан өтуі; 4) полиграфологиялық зерттеуден өту; 5) кандидаттардың дене шынықтыру даярлығы жөніндегі нормативтерді тапсыруы 6) кандидаттардың іріктеу комиссиясымен әңгімелесуден өтуі.

Шығыс Қазақстан облысының Төтенше жағдайлар департаменті жабдықтарды (аппараттарды, сыйымдылықтарды және сол сияқтыларды) ондағы өндірістік өнімдерден тазарту және жөндеу алдында залалсыздандыру актілерінің болуын талап етудің заңдылығына қатысты өнеркәсіптік қауіпсіздік саласындағы тексерулер кезінде мыналарды түсіндіреді. Қазақстан Республикасы Кәсіпкерлік Кодексінің 143-бабына сәйкес бақылау және қадағалау субъектісіне (объектісіне) бару арқылы тексеру және профилактикалық бақылау жүргізу тексеру парақтарында белгіленген талаптарға жатады. Тексеру парағы бақылау және қадағалау субъектілерінің (объектілерінің) қызметіне қойылатын міндетті талаптардың тізбесін қамтиды. Осыған байланысты, өнеркәсіптік қауіпсіздік саласындағы нормалардың сақталуы бойынша тексерулер жүргізу кезінде жоғарыда аталған актілердің болуы талабы заңды болып табылады.

Шығыс Қазақстан облысының Төтенше жағдайлар департаменті (бұдан әрі-Департамент) сіздің сұрауыңызды қарап, мынаны хабарлайды. "Азаматтық қорғау туралы" Қазақстан Республикасы Заңының (бұдан әрі – заң) 77-бабына сәйкес Департамент өнеркәсіптік қауіпсіздік саласындағы қауіпті техникалық құрылғыларды есепке қоюды және есептен шығаруды жүзеге асырады. Заңның 1-бабының 32-1) тармақшасында айқындалған қауіпті техникалық құрылғылар есепке қоюға және есептен шығаруға жатады.

Иә, сіз мангал аймағын орнатуға болады, бірақ келесі талаптарды сақтау қажет: Мангал (барбекю, гриль) орны 2 кг кем емес өрт сөндіруші заты бар өрт сөндіргішпен немесе 10 литр кем емес су сыйымдылығы бар контейнермен жабдықталуы тиіс. Мангалдың шетіне дейінгі ең кемі 10 метр қашықтықта ғимараттар мен құрылымдар болуы керек. Мангал орнын құрғақ өсімдіктерден тазарту қажет. Өртке қауіпті материалдардан жасалған баспаналар астында от жағуға тыйым салынады. Қайнаған көмірді бақылаусыз қалдыруға болмайды. Тағам дайын болған соң, көмірді толық өшіру үшін оған су құю керек. Өрттің таралуын азайту үшін желсіз ауа райын ескеру қажет.

Иа болады, тұрғын үйлердің аумағына кіреберісте шлагбаумдар орнатылған жағдайда, тәулік бойы кезекшілік атқаратын стационарлық пост ұйымдастырылады, ал шлагбаумдар қолмен ашуға арналған құрылғымен жабдықталады.