Индер ауданы - Атырау облысының солтүстігінде, Каспий маңы ойпатының орта тұсында, Жайық өзенінің екі жағалауын бойлай орналасқан. Ауданның жер көлемі - 10,9 мың км2.
Аудан аумағы солтүстіктен оңтүстікке қарай 95 км, ал батыстан шығысқа қарай ендік бағытта 210 км. Ауданды екіге бөліп жатқан Жайық өзенінің батыс жағы, негізінен жазық құмды шөл болып келеді, ал шығыс жағы үстіртті.
Орталығы - Индербор кенті. Құрамында 1 кенттік, 6 ауылдық әкімшілік округі және оларға қарасты 13 ауыл бар.
«Индер аудандық жұмыспен қамту және әлеуметтік бағдарламалар бөлімі» ММ қызметіндегі сыбайлас жемқорлық тәуекелдерін ішкі талдау нәтижелері туралы талдамалық анықтама
«Индер аудандық жұмыспен қамту және әлеуметтік бағдарламалар бөлімі» ММ қызметіндегі сыбайлас жемқорлық тәуекелдерін ішкі талдау нәтижелері туралыталдамалық анықтама Индер ауданы 27.07.2026 жыл І.Кіріспе бөлім: Индер аудандық жұмыспен қамту және әлеуметтік бағдарламалар бөлімінің (бұдан әрі -Бөлім) 2026 жылғы 13 шілдедегі №71бұйрығы негізінде қызметтегі сыбайлас жемқорлық тәуекелдеріне ішкі талдау жүргізу үшін жұмысшы тобы құрылды. Талдаумен Бөлімнің қызметі қамтылды. Қамтылған кезең : 2025 жылғы шілде-желтоқсан, 2026 жылдың қаңтар – маусым айлары Ішкі талдау өткізу кезеңі: 17.07.2026 ж 27.07.2026 жыл . «Индер аудандық жұмыспен қамту және әлеуметтік бағдарламалар бөлімі» коммуналдық мемлекеттік мекемесіне қарасты 2 ведомстволары бар: 1) «Индер аудандық жұмыспен қамту және әлеуметтік бағдарламалар бөлімі» коммуналдық мемлекеттік мекемесінің «Жартылай күндізгі стационарлық үлгідегі ұйымының күндіз болу бөлімшесі» коммуналдық мемлекеттік мекемесі; 2) «Индер аудандық жұмыспен қамту және әлеуметтік бағдарламалар бөлімі» коммуналдық мемлекеттік мекемесінің «Отбасын қолдау орталығы» коммуналдық мемлекеттік мекемесі. Персоналды басқару, оның ішінде сыбайлас жемқорлық тәуекелдеріне шалдыққан лауазымдарды анықтау Индер аудандық жұмыспен қамту және әлеуметтік бағдарламалар бөлімінің құрылымы мен штат санының лимиті қолданыстағы заңнамаға сәйкес бекітілген. Бөлімде штат саны бойынша 5 мемлекеттік қызметкер, келісім шарт негізінде 10 азаматтық қызметшілер бар (статист, архивариус, көлік жүргізуші, еден жуушы, 3-күзетші, 3 котельщик). 2025 жылдың қараша айында бөлімнің бас маман-бас есепшісі жүктілікке және бала күтіміне байланысты жалақысы сақталмайтын еңбек демалысына шығып, орнына 2026 жылдың ақпан айынан бастап келісім шарт негізінде уақытша 1 азаматтық қызметкер қабылданды. 2026 жылдың мамырынан бастап декреттік орынға конкурс жарияланып, мемлекеттік қызметкер орналасты. 2025 жылдың қараша айында статист қызметімен айныланысатын азаматтық қызметкер бала күтіміне байланысты жалақысы сақталмайтын демалысқа шығып, орнына 1 азаматтық қызметкер уақытша алынды. 2026 жылдың қаңтар айында бөлімде архивариус лауазымындағы қызметкерді бала күтіміне байланысты негізгі қызметкер жалақысы сақталмайтын демалысқа қалуына байланысты орнына 1 азаматтық қызметкер жұмысқа қабылданды. 2026 жылдың маусым айында «ҚР мемлекеттік қызметі туралы» Заңының 56 бабының 6-тармағына сай бөлімнің бас маман мемлекеттік қызмет лауазымы сектор меңгерушісі лауазымына ауыстырылды. 2026 жылдың маусым айында бөлімнің басшысы зейнеткерлік жасқа зетуіне байланысты жұмыстан босатылып, лауазымы уақытша бос тұруда. Мүдделер қақтығысын реттеу. Мүдделер қақтығысы орын алған жоқ. Мемлекеттік қызметтер көрсету Қазақстан Республикасының Еңбек және халықты әлеуметтік қорғау министрінің 2021 жылғы 25 наурыздағы №84бұйрығымен бекітілген Мемлекеттік қызметін көрсету қағидалары және 2024 жылғы 31 шілдедегі №288 қағидасына сәйкес мемлекеттік қызмет түрлерін көрсетеді. Индер аудандық жұмыспен қамту және әлеуметтік бағдарламалар бөлімінде 16 мемлекеттік қызмет түрін көрсетеді. - «Тұрғын үй көмегін тағайындау»; - «Мүгедектігі бар балаларды үйде оқытуға жұмсалған шығындарды өтеу»; - «Жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау»; - «Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру»; - «Еңбекші көшіп келушіге рұқсаттар беру және ұзарту»; - «Мүгедектігі бар адамдарды протездік-ортопедиялық көмекпен қамтамасыз етуге құжаттарды ресімдеу»; - «Мүгедектігі бар адамдарды техникалық көмекші (компенсаторлық) құралдармен қамтамасыз етуге құжаттарды ресімдеу»; - «Жүріп-тұруы қиын бірінші топтағы мүгедектерге жеке көмекшінің қызметтерімен қамтамасыз етуге құжаттарды ресімдеу»; - «Есту кемістігі бар мүгедектерді ымдау тілі маманының қызметтерімен қамтамасыз етуге мүгедектерге құжаттарды ресімдеу»; - «Мүгедектігі бар адмдарды арнаулы жүріп-тұру құралдарымен қамтамасыз етуге құжаттарды ресімдеу»; - «Мүгедектігі бар адамдарды және мүгедектігі бар балаларды санаторийлік-курорттық емделумен қамтамасыз етуге құжаттарды ресімдеу» - «Үйде күтім көрсету жағдайында арнаулы әлеуметтік қызмет көрсетуге құжаттар ресімдеу»; - «Арнаулы әлеуметтік қызметтер көрсету орталықтарында арнаулы әлеуметтік қызмет көрсетуге құжаттар ресімдеу»; - Әрекетке қабілетсіз немесе әрекет қабілеті шектеулі кәмелетке толған адамдарға қорғаншылық немесе қамқоршылық белгілеу; - Жаппай саяси қуғын-сүргіндер құрбандарына ақшалай өтемақы төлеу; - Ақталған адамға куәлік беру. 2025 жылдың шілде-желтоқсан айларында 737 мемлекеттік қызмет көрсетілді, оның ішінде:. - қағаз түрінде көрсетілген мемлекеттік қызметтердің саны – 13; - мемлекеттік коорпорация арқылы көрсетілген мемлекттік қықметтердің саны- 2 -ақпараттық жүйелер арқылы көрсетілген мемлекеттік қызметтердің саны – 722. 2026 жылдың қаңтар-маусым айларында 1305 мемлекеттік қызмет көрсетілді, оның ішінде:. - ақпараттық жүйелер арқылы көрсетілген мемлекеттік қызметтердің саны – 1305. Рұқсат беру функцияларын іске асыру Индер аудандық жұмыспен қамту және әлеуметтік бағдарламалар бөлімінде рұқсат беру функция жоқ. Бақылау-тексеру функцияларын іске асыру Индер аудандық жұмыспен қамту және әлеуметтік бағдарламалар бөлімі тікелей бақылау органы болып табылмайды. Аудан әкімінің, аудан әкімі орынбасарларының тікелей тапсырмаларының, аудан әкімдігі жанындағы комиссия отырысының шешімдерінің орындалуын қамтамасыз етеді. Бюджет және қаржы қаражатын игеру және бөлу Соңғы 3 жылда әлеуметтік қорғау саласында жергілікті атқарушы орган бюджеттен 1,3 млрд. астам қаражат бөлді (1 291 905 973 тг.) теңге, оның ішінде: 2023 ж.-262 233 000 тг.; 2024 ж.-479 722 973тг. 2025 ж. – 549 950 000 тг. Олардың ішінде: АӘК-284 712 000 тг.; мүгедектігі бар адамдарды қамтамасыз ету-284 616 000 тг.; әлеуметтік көмек (АӘК-тен басқа)- 519 605 000 тг.; өзге де- 202 972 973 тг. Индер аудандық жұмыспен қамту және әлеуметтік бағдарламалар бөлімінде 2026 жылға 541 885,0 мың теңге қаражат бөлінді. 7 айында 312 648,0 мың тенге қаражаты игерілді. Қалғаны жыл соңына дейін игеріледі. Мемлекеттік сатып алуды ұйымдастыру және өткізу Қазақстан Республикасының 2024 жылғы 1 шілдедегі №106-VІІІ «Мемлекеттiк сатып алу туралы» Заңына және Қазақстан Республикасы Қаржы министрінің 2024 жылғы 9 қазандағы №687 «Мемлекеттік сатып алуды жүзеге асыру қағидаларын бекіту туралы» бұйрығына нормативтік-құқықтық актілерге сәйкес жүргізіледі. 2026 жылға: баға ұсыныстарын сұрау тәсілімен – 7 сатып алу, жалпы сомасы 81,7 мың теңгеге; бір көзден алу тәсілмен – 20, жалпы сомасы 4 947,0 мың теңге; ашық конкурс тәсілі бойынша – 2, жалпы сомасы 562,3 мың теңгеге. Мемлекеттік әлеуметтік тапсырыс аясындағы жобалар – 1 (инватакси) 22 642,0 мың теңгеге; Мемлекеттік сатып алу goszakup.gov.kz мемлекеттік сатып алу порталы арқылы жүзеге асырылады. Мемлекеттік сатып алудың жылдық жоспары мемлекеттік сатып алуды жүзеге асыру қағидаларында айқындалатын тәртіппен және нысанда нақтыланады және бекітіледі, өзгерістер есепті кезең ішінде енгізіледі. Тауарларды, жұмыстарды және қызметтерді жеткізушілермен шарттар уақтылы жасалады. Бекітілген мемлекеттік сатып алудың жылдық жоспарында көзделмеген тауарларды, жұмыстарды және көрсетілетін қызметтерді сатып алуға жол берілмейді. Жүргізілген талдау нәтижелері бойынша мемлекеттік сатып алуды жүзеге асыру кезінде аффиллирлену, бөлімнің басшы құрамының жақын туыстарының, жұбайларының немесе жекжаттарының әлеуетті өнім берушілерін өткізілетін мемлекеттік сатып алуға қатысу фактілері анықталған жоқ. Жеке және заңды тұлғалармен шарттар жасау Жеке және заңды тұлғалармен шарттар жасақталған жоқ. Ақпараттық жүйелерді әзірлеу және пайдалану Индер аудандық жұмыспен қамту және әлеуметтік бағдарламалар бөлімі «Е-қызмет», МОИП, электрондық құжат айналымы және «Е-собес», «Әлеуметтік көмек» «Шетелдік жұмыс күші» ақпараттық жүйелерімен жұмыс жасайды. Ұйымдастыру-басқару қызметінен туындайтын өзге де мәселелер Индер аудандық жұмыспен қамту және әлеуметтік бағдарламалар бөлімінде: - Әлеуметтік әріптестік және еңбек қатынастарын реттеу жөніндегі аудандық үш жақты комиссия, - Арнайы комиссия, - Семей ядролық сынақ полигонындағы ядролық сынақтардың салдарынан зардап шеккен азаматтарға біржолғы мемлекеттік ақшалай өтемақы төлеудің және оларға куәлік беру үшін арнайы комиссия; -1941 жылғы 22 маусым – 1945 жылғы 9 мамыр кезеңінде кемінде 6 ай жұмыс істеген адамдардың жұмыс өтілін белгілеу үшін арнайы комиссиясы бар. Комиссия отырыстары уақытылы өткізіліп, тиісті тұлғаларға тапсырмалар беріліп, олардың орындалыстары үнемі бақылауда болады. Сонымен қатар, бөлімде ҚР 2005 жылғы 8 шілдедегі «Агроөнеркәсіптік кешенді дамытуды мемлекеттік реттеу туралы Заңы негізінде және жергілікті өкілді органның шешімімен Индер ауданының елді мекендерінде тұратын және жұмыс істейтін мемлекеттік денсаулық сақтау, әлеуметтік қамсыздандыру, білім беру, мәдениет, спорт және ветеринария ұйымдарының мамандарына отын сатып алу үшін әлеуметтік көмек көрсету жұмыстары атқарады. Алайда бұл мемлекеттік көрсетілетін қызметтер реестріне енгізілмегендіктен жасырын қызмет болып есептеледі. Бөлім негізінен мұқтаж азаматтардың жекеленген санаттарына әлеуметтік төлем тағайындау қызметімен айналысатындықтан отын сатып алуға берілетін әлеуметтік көмекті сала мамандарына төлеу ұзақ мерзімді, олардың сол салада қызмет атқаратындығы жөнінде бақылауды қажет етеді. Көрсетілетін қызметті әр салаға өздеріне беру ұсынылады. Ол үшін бюджеттік классификацияға өзгерістер енгізіп, бағдарлама әкімгерін әр сала бойынша өздеріне өзгертуге ұсыныс береді. Инватакси қызметтерін ұсыну бойынша. Әлеуметтік саласындағы проблемалық мәселелердің бірі инватаксидің қызметін атап өтуге болады, өйткені бұл қызметтерді тек мүгедектігі бар адамдар пайдаланады және бұл үшін бюджеттен көп қаражат бөлінеді. Мүгедектігі бар адамдар инватакси қызметтерін көрсетуді жергілікті атқарушы органдар (бұдан әрі-ЖАО) мемлекеттік сатып алу туралы заңнамаға сәйкес мемлекеттік әлеуметтік тапсырыс арқылы жүзеге асырады. Мүгедектігі бар адамдар тасымалдауды Қазақстан Республикасы Көлік және коммуникация министрінің міндетін атқарушының 2013 жылғы 1 қарашадағы №859 бұйрығымен бекітілген. Автомобиль көлігімен мүгедек адамдарды тасымалдау бойынша қызметтер көрсету қағидаларына сәйкес ЖАО реттейді Өз кезегінде, ЖАО инватакси қызметтеріне ақы төлеу автомобиль көлігінің нақты жұмыс уақытынан, атап айтқанда сағатпен (машина-сағат) алынады. Индер ауданында бұл қызметті 1 жеткізуші көрсетеді - "Сенім Шыңы" ҚБ. Бұл ретте, жыл сайын осы қызметке бюджеттен бөлінетін қаражат ұлғайып отыр. Мәселен, Индер ауданында инватакси қызметіне 2023 жылы -12,0 млн. теңге , 2024жылы -18,5млн. теңге, 2025 жылы -23,0 млн теңге және 2026 жылға 37048,0 тенге бөлінді. Ұсынылады: -Инватакси қызметін "Әлеуметтік Портал" арқылы мүгедек жандарға таңдау мүмкіндігін қарастыру және цифрлық мониторинг арқылы бақылау жүйесін енгізу. Бөлім басшысының м.а. Т.Карашулакова Жұмыс тобының мүшелері: Бас маман ______________ Э.Саркенова Бас маман______________Ш.Куспанова
Жарияланды:
Хабарлама
Әлем елдерінде зейнетақы жинақтары қалай қорғалады?
Халықаралық тәжірибе көрсеткендей, мемлекеттер зейнетақы жүйелерінің ұлттық ерекшеліктеріне қарай зейнетақы жинақтарын қорғаудың әртүрлі тетіктерін қолданады. Көптеген елдерде зейнетақы жүйелеріне қатысушылардың құқықтарын қорғау зейнетақы төлемдері бойынша міндеттемелердің орындалмау тәуекелдерін сақтандыру, зейнетақы қорлары мен басқарушы компаниялардың қызметін мемлекеттік қадағалау, сондай-ақ олардың қаржылық тұрақтылығы мен тәуекелдерді басқару жүйесіне қойылатын талаптарды белгілеу сияқты тетіктер арқылы қамтамасыз етіледі. Демек, негізгі басымдық тұрақты реттеу жүйесін қалыптастыруға, тиімді қадағалауды қамтамасыз етуге және жауапкершілікті мемлекет, қорлар мен басқарушы компаниялар арасында бөлуге беріледі. АҚШ-та белгіленген төлемдер жүйесіне (Defined Benefits, DB) негізделген корпоративтік зейнетақы жоспарларын Pension Benefit Guaranty Corporation (PBGC)[1] федералдық сақтандыру жүйесі қорғайды. Бұл жүйе жұмыс берушінің қызметкердің зейнетақы жинақтарын қалыптастыру бойынша өз міндеттемелерін орындауға қабілетсіз болған жағдайда, корпоративтік зейнетақы жоспары бойынша (заңда белгіленген шектерде) қызметкер алдындағы зейнетақы міндеттемелерінің орындалуын қамтамасыз етеді. Ұлыбританияда мұндай функцияларды Pension Protection Fund (PPF)[2] атқарады. Осыған ұқсас тетіктер Германияда да қолданылады. Бұл ретте осы тәрізді сақтандыру жүйелері тек белгіленген төлемдерге (Defined Benefits, DB) негізделген корпоративтік зейнетақы жоспарларына қолданылады және белгіленген жарналарға (Defined Contributions, DC) негізделген жинақтаушы зейнетақы жүйелеріне қолданылмайды. Кейбір елдерде зейнетақы жинақтарының ең төменгі кірістілігін қамтамасыз ету тетіктері көзделген. Олар абсолюттік номиналды мәнде де(мысалы, Бельгияда, Швейцарияда, Малайзияда, Сингапурда), сондай-ақ салыстырмалы түрде, яғни белгілі бір бағдарлық көрсеткішпен салыстыру арқылы, мысалы, орташа кірістілікке қатысты (Латын Америкасы елдерінде) белгіленуі мүмкін. Бельгия мен Швейцарияда міндетті кәсіптік зейнетақы қорларындағы кірістіліктің ең төменгі номиналды мөлшерлемесі заңнамамен бекітілген. Ол жұмыс берушінің өз қызметкерінің зейнетақы жоспары бойынша міндеттемелерін есептеу кезінде пайдаланылады. Латын Америкасының бірқатар елдерінде (Чили, Колумбия, Сальвадор) ең төменгі кірістілік зейнетақы қорларының тиісті түрлері арасындағы орташа кірістілікке қатысты айқындалады. Егер зейнетақы қорын басқарушы (Administradora de Fondos de Pensiones, AFP) ең төменгі кірістілікті қамтамасыз ете алмаса, айырма қалыптастырылған резервтер (кепілдік резерві) есебінен өтеледі. Азияның бірқатар елдерінде де зейнетақы жинақтарының ең төменгі кірістілігіне қатысты талаптар қолданылады. Малайзияда қызметкерлердің жинақтаушы қоры (Employees Pension Fund, EPF) зейнетақы жинақтарының жылдық номиналды кірістілігіне кемінде 2,5% мөлшерінде кепілдік береді. Сингапурда Орталық жинақтаушы қор (Central Provident Fund, CPF) жылына 2,5%-дан 4%-ға дейінгі ең төменгі номиналды кірістілікті (шоттың түріне қарай) қамтамасыз етеді. Экономикалық ынтымақтастық және даму ұйымына (ЭЫДҰ) мүше елдердің іс жүзінде барлығында зейнетақы қорлары мен басқарушы компаниялардың қызметі мемлекет тарапынан тәуекелге бағдарланған қадағалауға алынып, капиталдың жеткіліктілігіне, резервтерді қалыптастыруға, тәуекелдерді басқару жүйесіне және клиенттердің активтерін инвестициялық басқарудың кәсіби стандарттарын сақтауға қатысты қатаң талаптар қойылады. Осылайша, жинақтаушы зейнетақы жүйелері дамыған сайын негізгі басымдық тиімді реттеуге, тәуекелге бағдарланған қадағалауға, сондай-ақ салымшылардың құқықтары мен инвестициялық мүмкіндіктерін кеңейтуге қарай ауысып келеді. Қазақстанның зейнетақы жүйесі де осы бағытта дамып келеді. Еске сала кетейік, заңнамалық өзгерістер азаматтардың өздерінің зейнетақы жинақтарын басқару мүмкіндіктерін кеңейтуді көздейді. Салымшы әртүрлі инвестициялық стратегиялар мен портфельдерді ұсынатын бір немесе бірнеше басқарушы компанияны өз бетінше таңдап, өзінің жинақтарының 100%-ына дейінгі бөлігін олардың сенімгерлік басқаруына бере алады. Инвестициялық мүмкіндіктердің кеңеюі және зейнетақымен қамсыздандыру деңгейін арттыру шараларының іске асырылуымен бірге зейнетақы жинақтарының сақталуын қамтамасыз ету тәсілдері де өзгеруде. 2027 жылғы 1 қаңтардан бастап мемлекеттің кепілдігі БЖЗҚ-дағы міндетті зейнетақы жарналары мен міндетті кәсіптік зейнетақы жарналарының нақты енгізілген жарналар мөлшерінде сақталуын қамтамасыз етуді көздейді. Бұл ретте мемлекеттің негізгі міндеттемелері зейнетақының мемлекеттік құрамдас бөлігінің (базалық және ынтымақты зейнетақылардың) жеткіліктілігін сақтауға шоғырландырылады.
Жарияланды:
Хабарлама
Зейнетақы жинақтарының сақталуына берілетін мемлекеттік кепілдікті жүзеге асыру тәсілінің өзгеруі туралы
Зейнетақы төлемдерін алушылар үшін зейнетақы жинақтарының нақты енгізілген міндетті зейнетақы жарналары (МЗЖ), міндетті кәсіптік зейнетақы жарналары (МКЗЖ) мөлшерінде, жинақталған инфляция деңгейін ескере отырып сақталуына берілетін мемлекеттік кепілдіктің жойылуына қатысты келіп түскен сұрақтар бойынша БЖЗҚ төмендегіні хабарлайды. Мемлекет кепілдік береді және реттейді Әлеуметтік кодекстің 217-бабында 2027 жылғы 1 қаңтардан бастап «Мемлекет зейнетақы төлемдерін алушыларға Бірыңғай жинақтаушы зейнетақы қорындағы міндетті зейнетақы жарналарының, міндетті кәсіптік зейнетақы жарналарының сақталуына олардың нақты енгізілген міндетті зейнетақы жарналары, міндетті кәсіптік зейнетақы жарналары мөлшерінде кепілдік береді» деп көзделген. Мемлекеттің зейнетақы активтерінің сақталуына беретін кепілдігі Бірыңғай жинақтаушы зейнетақы қоры (БЖЗҚ) мен инвестициялық портфельді басқарушылардың (ИПБ) қызметін реттеу, Қазақстан Республикасы Ұлттық Банкінің (Ұлттық банк, ҚРҰБ) де, ИПБ-лардың да инвестициялық қызметіне қойылатын талаптарды белгілеу, зейнетақы активтерін орналастыру кезінде оларды әртараптандыру және тәуекелдерді төмендету жөніндегі талаптарды сақтау, сондай-ақ басқа да реттеуші нормалар арқылы қамтамасыз етіледі. Ұлттық Банк зейнетақы активтерін зейнетақы жинақтарының сақталуын қамтамасыз етуге және ұзақ мерзімді нақты табыстылық алуға бағытталған мақсаттарды басшылыққа ала отырып басқарады. ИПБ-ға зейнетақы активтерін сенімгерлік басқару бойынша заңнамада белгіленген жауапкершілік жүктеледі. Яғни, ИПБ алған номиналды табыстылық пен реттеушінің талаптарына сәйкес есептелген табыстылықтың ең төменгі мәні арасында теріс айырма болған жағдайда, ИПБ осы теріс айырманы өзінің меншікті капиталы есебінен өтейді. Мемлекет көпдеңгейлі бақылауды қамтамасыз етеді Зейнетақы активтерін инвестициялық басқару жүйесі көпдеңгейлі мемлекеттік бақылауда қала береді. - Ұлттық қорды басқару жөніндегі кеңес (ҰҚБК), оған Мемлекет басшысы төрағалық етеді, зейнетақы активтерін басқару бөлігінде – инвестициялық саясаттың негізгі бағыттарын айқындайды, басқару тиімділігін арттыру жөніндегі ұсыныстарды зерделеп, БЖЗҚ қызметі туралы жыл сайынғы есептерді қарайды. - ҮкіметҚРҰБ сенімгерлік басқаруындағы зейнетақы активтері есебінен сатып алуға рұқсат етілген қаржы құралдарының тізбесін бекітеді. - Ұлттық Банк зейнетақы жинақтарының сақталуын қамтамасыз ету және ұзақ мерзімді нақты табыстылық алу мақсатында БЖЗҚ-ның инвестициялық декларациясын әзірлеп, бекітеді. Зейнетақы активтерін басқарады. Бұл ретте Әлеуметтік кодексте әлеуметтік қамсыздандыру жүйесінде, оның ішінде зейнетақымен қамсыздандыру саласында мемлекет, жұмыс берушілер мен азаматтардың ынтымақтастығы мен ортақ жауапкершілігі қағидаты көзделген. Бұл – халықаралық тәжірибеде де кеңінен қолданылатын тәсіл. Салымшылардың зейнетақы активтерін басқаруға қатысуы Әлеуметтік кодекстің 40-бабына сәйкес, салымшыларға өздерінің зейнетақы жинақтарын ИПБ-лардың басқаруына беру және/немесе оларды Ұлттық Банктің басқаруында қалдыру жөнінде шешімді дербес қабылдау құқығы берілген. 2026 жылғы қыркүйекте салымшылардың инвестициялық мүмкіндіктерін кеңейтуді көздейтін заңнамалық өзгерістер де күшіне енеді. Қазіргі уақытта салымшылар міндетті және міндетті кәсіптік зейнетақы жинақтарының 50%-на дейін және ерікті зейнетақы жинақтарының 100%-на дейін ИПБ-лардың басқаруына бере алса, күзден бастап олар ерікті зейнетақы жинақтарын ғана емес, міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған жинақтарын да ИПБ-лардың басқаруына толық көлемде беру мүмкіндігіне ие болады. Салымшы бір немесе бірнеше ИПБ-ны, сондай-ақ әртүрлі инвестициялық портфельдерді, яғни ИПБ ұсынатын зейнетақы активтерін басқару жөніндегі инвестициялық стратегияларды өз бетінше таңдай алады. Бұл портфельдер тәуекел деңгейі, күтілетін табыстылығы және инвестициялау мерзімі бойынша бір-бірінен ерекшеленеді. ИПБ-лардың инвестициялық басқару тиімділігін бағалау үшін MSCI және Bloomberg сияқты әлемнің жетекші қаржы компаниялары қадағалайтын композиттік индекстер (бенчмарк), сондай-ақ «Қазақстан қор биржасы» АҚ индекстері қолданылады. ИПБ-лар инвестициялық табыстылықтың белгіленген деңгейіне кепілдік береді. Егер табыстылық нарықтық бенчмарктен төмен болып қалса, ИПБ айырманы өзінің меншікті капиталы есебінен өтеуге міндетті. Осылайша, салымшылар өздерінің зейнетақы жинақтары бойынша әртүрлі инвестициялық активтерді басқарушыларды және әртүрлі инвестициялық стратегияларды (портфельдерді) өз бетінше таңдау құқығына ие. Зейнетақы активтерін басқарудың нарықтық тәсілдері жағдайында инфляция деңгейіндегі мемлекеттік кепілдіктің бұрынғы құқықтық және экономикалық мәні жойылады. Зейнетақы активтерін басқарудың ашықтығын қамтамасыз ету Зейнетақы нарығындағы бірыңғай инфрақұрылымдық институт – БЖЗҚ, оның акцияларының 100%-ы Үкіметке тиесілі. Салымшылардың өз жинақтарын ИПБ-лардың басқаруына беру құқығын іске асыруына байланысты БЖЗҚ-ның институционалдық міндеті де арта түсті. БЖЗҚ – активтерді кім басқаратынына қарамастан (салымшының таңдауы бойынша ҚРҰБ және/немесе ИПБ) барлық салымшылар үшін бірыңғай есептік және ақпараттық орталық, сондай-ақ олардың жеке зейнетақы шоттарының операторы болып табылады. БЖЗҚ зейнетақы активтерін басқару бойынша қолжетімді қызметтер мен сервистер ұсына отырып, азаматтардың жинақтары туралы ақпаратты үзінді көшірмелерде тәулік бойы, аптасына 7 күн («24/7») режимінде толық көрсетеді. Сонымен қатар, БЖЗҚ салымшылары үшін зейнетақы активтерін басқарудың заманауи цифрлық ресурсы ретінде invest.enpf.kz ақпараттық интернет-платформасы іске қосылды. Бұл платформа барлық басқарушылардың (Ұлттық Банк пен ИПБ) активтерді басқару нәтижелерін салыстыруға мүмкіндік береді. Invest.enpf.kz платформасы табыстылық туралы ақпаратқа қол жеткізуді қамтамасыз етеді. Сондай-ақ белгіленген кезең аралығындағы деректерді динамикада қарап, активтерді басқарушылар мен олардың инвестициялық портфельдерінің нәтижелерін өзара салыстыруға мүмкіндік береді. Жалпы алғанда, жинақтаушы зейнетақы жүйесі және қазақстандықтарды зейнетақымен қамсыздандыру мәселесі мемлекеттік реттеу, бақылау мен жауапкершілік аясында қала береді. Бұл ретте халықаралық тәжірибеге сәйкес зейнетақы жинақтарын қалыптастыруда басқа да қатысушылардың – қызметкер мен жұмыс берушінің де маңызы арта түседі.
Жарияланды:
Ақпарат
Саяси партияларға сайлаушылармен кездесуі үшін шарттық негізде берілетін үй-жайлардың тізімі
Саяси партияларға сайлаушылармен кездесуі үшін шарттық негізде берілетін үй-жайлардың тізімі № Қала және аудандар Үй-жайлар атауы Мекен-жайы, байланыс телефоны Жалдау туралы келісім шарт жасақтау орган атауы, байланыс телефондары 1 Индер ауданы Индер мәдениет үйі Индербор кенті, Н.Меңдіғалиев көшесі, 47 8/71234/20059 Индербор кенті әкімі аппараты 8/71234/30826 2 Индер ауданы Бөдене мәдениет үйі Бөдене ауылы, Мұрат Мөңкеұлы көшесі, 38 8/71234/26491 Бөдене ауылдық округі әкімі аппараты 8/71234/26335 3 Индер ауданы Жарсуат мәдениет үйі Жарсуат ауылы, С.Ділмұқашев көшесі, 27 8/71234/23596 Жарсуат ауылдық округі әкімі аппараты 8/71234/23408 4 Индер ауданы Көктоғай мәдениет үйі Көктоғай ауылы, С.Сейфуллин көшесі, 34 8/71234/28749 Көктоғай ауылдық округі әкімі аппараты 8/71234/79067 5 Индер ауданы Өрлік мәдениет үйі Өрлік ауылы, И.Үсенов көшесі, 54 8/71234/27590 Өрлік ауылдық округі әкімі аппараты 8/71234/79112 6 Индер ауданы Есбол мәдениет үйі Есбол ауылы, И.Тайманов көшесі, 78 8/71234/24499 Есбол ауылдық округі әкімі аппараты 8/71234/24430 7 Индер ауданы Елтай мәдениет үйі Елтай ауылы, Жеңіс көшесі, 22 8/71234/25702 Елтай ауылдық округі әкімі аппараты 8/71234/25701
Жарияланды:
Құжат
Индер аудандық жұмыспен қамту және әлеуметтік бағдарламалар бөлімі тарапынан көрсетілетін мемлекеттік қызметтер бойынша мәлімет
Аудандық бөлім аудан көлеміндегі әлеуметтік қолдау мен отбасылық саясатты іске асыратын мемлекеттік орган. Бөлім тарапынан күні бүгінге 15 мемлекеттік қызмет көрсетіліп отыр. Атап айтқанда: Еңбекші көшіп келушіге рұқсаттар беру және ұзарту қызметі – аталған қызмет түрін Қазақстан Республикасының аумағында еңбек қызметін жүзеге асыру үшін келген шетел азаматтары мен азаматтығы жоқ тұлғалар ала алады. Бөлім тарапынан мемлекеттік қызмет көрсетуге жауапты бөлімнің сектор меңгерушісі Т.Карашулакова. Мүгедектігі бар адамдарға көрсетілетін мемлекеттік қызметтер: - мүгедек балаларды үйде оқытуға жұмсалған шығындарды өтеу; - жергілікті өкілді органдардың шешімдері бойынша мұқтаж азаматтардың жекелеген санаттарына әлеуметтік көмек тағайындау; - Семей ядролық сынақ полигонында ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру; - мүгедектерді протездік-ортопедиялық көмекпен қамтамасыз етуге құжаттарды рәсімдеу; - мүгедектерді техникалық қосымша (компенсаторлық) құралдармен қамтамасыз етуге құжаттарды рәсімдеу; - жүріп-тұруы қиын бірінші топтағы мүгедектерге жеке көмекшінің қызметтерімен қамтамасыз етуге құжаттарды рәсімдеу; - есту кемістігі бар мүгедектерді ымдау тілі маманының қызметтерімен қамтамасыз етуге мүгедектерге құжаттарды рәсімдеу; - мүгедектерді жүріп-тұрудың арнайы құралдарымен қамтамасыз етуге құжаттарды рәсімдеу; - мүгедектерді және мүгедек-балаларды санаторий-курорттық емдеуден қамтамасыз етуге құжаттарды рәсімдеу; - үйде күтім көрсету жағдайында арнаулы әлеуметтік қызмет көрсетуге құжаттар рәсімдеу; - медициналық-әлеуметтік мекемелерде (ұйымдарда) арнаулы әлеуметтік қызмет көрсетуге құжаттар рәсімдеу; - санаторийлік-курорттық емдеу қажеттілігі туралы қорытынды беру; - әрекетке қабілетсіз немесе әрекет қабілеті шектеулі кәмелетке толған адамдарға қорғаншылық немесе қамқоршылық белгілеу; Бөлім тарапынан бұл мемлекеттік қызметтер көрсетуге жауапты маман Э.Саркенова. Тұрғын үй көмегін тағайындау қызметі –өтініш берушінің тұрақты тіркелген тұрақжайында коммуналдық қызметтерге төленген шығындарды өтеуге арналған қызмет. Қызмет көрсету барысында өтініш берушінің табыс көзі ескеріледі. Бөлім тарапынан мемлекеттік қызмет көрсетуге жауапты маман С.Есекенова. Көрсетілетін мемлекеттік қызметтер туралы толық мәлімет пен кеңесті Индер аудандық жұмыспен қамту және әлеуметтік бағдарламалар бөлімінен алуға болады. Мекен-жайы: Атырау облысы, Индер ауданы, Индербор кенті, Қонаев к-сі, 16 ғимарат. тел.: 871234 20476;
Жарияланды:
Құжат
АҚПАРАТТЫҚ ХАБАРЛАМА «БЖЗҚ» АҚ жыл басынан бері салымшыларға 24.5 миллионнан астам қызмет көрсетті
«Бірыңғай жинақтаушы зейнетақы қоры» АҚ (БЖЗҚ, Қор) азаматтарды қарттыққа қаражат жинауға қажетті сенімді құралдармен қамтамасыз ете отырып, елдің зейнетақы жүйесінде шешуші рөл атқарады. БЖЗҚ қазақстандықтарға цифрлық форматта түрлі қызметтер көрсетеді және оларды салымшылардың қажеттіліктеріне бейімдей отырып дамытуда. Қордың сайтта және мобильді қосымшада 24/7 режимінде көрсететін қызметтерінің қолжетімділігі – салымшылардың өз жинақтарына деген қызығушылығын арттырудың маңызды шарты. 01.01.2026ж. мен 31.05.2026ж. аралығындағы 5 айда Қор салымшыларға 24,7 млн қызмет көрсетті. Көрсетілген қызметтердің жалпы санының 14,3 млн-ы электрондық форматта, 9,9 млн автоматты түрде жүргізілді. Осылайша, автоматты, электронды және қашықтықтан көрсетілген қызметтердің үлесі жалпы санның 98,7%-ын құрады. Салымшыларға 322,1 мың қызмет жүзбе-жүз көрсетілді, оның ішінде 313,4 мың қызмет тікелей Қордың кеңселерінде жүзеге асырылды. Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде автоматты түрде ашылады. Сондай-ақ, Қазақстан Республикасының 18 жасқа толмаған азаматтарына нысаналы талаптар автоматты түрде есептеліп, "Ұлттық қор – балаларға" бағдарламасы шеңберінде нысаналы жинақтарды алушыларға нысаналы жинақтарды есептеу және есепке алу үшін нысаналы жинақтау шоттары ашылады. Есепті кезеңде шартты зейнетақы шоттарын (жұмыс берушінің ЖМЗЖ аударуы нәтижесінде ашылатын ШЗШ) және нысаналы жинақтау шоттарын ("Ұлттық қор — балаларға" бағдарламасы аясында ашылатын НЖШ) қоса алғанда, зейнетақы жарналарының барлық түрлері бойынша автоматты режимде ашылған жеке зейнетақы шоттарының (ЖЗШ) жалпы саны 891,7 мыңға жетті. Жеке зейнетақы шотынан, шартты зейнетақы шотынан (ШЗШ), сондай-ақ нысаналы жинақтау шотынан (НЖШ) үзінді көшірме алу бұрынғысынша ең танымал қызмет санатында. Жыл басынан бері ЖЗШ, ШЗШ, НЖШ-дан 15,0 млн-нан аса үзінді көшірме берілді. Оның 13.3 млн-ы – электрондық, ал 1,5 млн үзінді көшірме автоматты түрде рәсімделді. Шоттың жай-күйіне қатысты ақпаратты жеке кабинет арқылы алу – зейнетақы жинақтарын қадағалаудың ең ыңғайлы, сенімді және жедел тәсілі. Қызмет тәулік бойы (24/7) онлайн режимде жұмыс істейді, бұл ақпаратты кез келген уақытта және әлемнің кез келген нүктесінен алуға мүмкіндік береді. Сонымен қатар, зейнетақы шоттары туралы ақпаратты БЖЗҚ сайты арқылы ғана емес, egov.kz электрондық үкімет порталы немесе оның мобильді қосымшасы арқылы да алуға болады. Бұл мемлекеттік қызметтерді бірыңғай платформалар арқылы алуға дағдыланған азаматтарға өте қолайлы. БЖЗҚ 2025 жылдан бастап жыл сайынғы үзінді көшірмелерді пошта арқылы автоматты түрде жіберу тоқтатылғанын ескертеді. Бірақ, зейнетақы жинақтарының жай-күйі туралы ақпаратты "БЖЗҚ" АҚ атына тиісті сұранысты жіберген пошта арқылы алу мүмкіндігі сақталады. Салымшылардың (алушылардың) Қор сайтындағы және ұялы қосымшасындағы Жеке кабинеттен үзінді көшірме алудан басқа өз деректемелеріне өзгерістер мен толықтырулар енгізу, шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу және т.б. қызметтер қолжетімді. Өткен кезеңде салымшылардың зейнетақы жинақтарының бір бөлігін ИПБ сенімгерлік басқаруына аударуға 38,7 мың өтініші қабылданды, оның басым бөлігі – электрондық форматта. Есепті кезең ішінде деректемелерді өзгертуге 46,7 мың өтініш қабылданды. Оның 44,0 мыңы Қордың кеңселерінде орындалды. БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 25,1 мың көшпелі таныстырылым өткізіліп, оған 505,1 мың адам қатысты. Бұқаралық ақпарат құралдарында БЖЗҚ хабарламалары бойынша 17,0 мың материал жарияланды. Салымшылар мен алушылардан кері байланыс (Call-орталық, веб-сайт арқылы кеңес, мессенджерлер, әлеуметтік желілер және басқа байланыс түрлері) арналары бойынша 192,5 мың өтініш түсті. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы жәнеакционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақwww.enpf.kzсайтында).
