ҚАЗАҚСТАН – КӨПҰЛТТЫ, ТАТУЛЫҒЫ ЖАРАСҚАН МЕМЛЕКЕТ!

Әр тілде сөйлесек те, жүрегіміздің соғуы – бір, ол – Қазақстан!
Біз – бір шаңырақ астында татулық пен келісімде өмір сүріп жатқан, достығы мен бірлігі жарасқан біртұтас елміз.
Қазақстан халқы тілдері күніне орай Шет ауданы мәдениет үйінің алаңында ауқымды мерекелік іс-шара ұйымдастырылды.
Мерекелік шараға Бұрма ауылдық округінен мәдениет үйі мен кітапхана қызметкерлері де белсене қатысты. Олар украин ұлтының ұлттық киімін киіп, өз ана тілінде жүрекжарды құттықтауларын жеткізді. Сонымен қатар украин халқының ұлттық тағамдарын, салт-дәстүрін, өнері мен мәдени мұрасын көпшілік назарына ұсынды.
Іс-шара қорытындысы бойынша Бұрма ауылдық округінің ұжымы белсенді қатысқаны үшін арнайы сертификатпен марапатталды.
Шара ұлттық әндер мен әсем билерге ұласып, көпшілікке мерекелік көңіл-күй сыйлады.
Тіліміз – түрлі, тілегіміз – бір!
Дәстүріміз – әр алуан, достығымыз – мәңгілік!
Бір шаңырақ астында – біртұтас Қазақстан!