Кәмелетке толмағандар арасындағы құқық бұзушылықтардың алдын алу және жасөспірімдердің қауіпсіздігін қамтамасыз ету мақсатында Маңғыстау облысында «Назар аударыңыз, балалар!» жедел-профилактикалық іс-шарасы өткізілуде.
Іс-шара барысында полиция қызметкерлері жасөспірімдер арасында құқық бұзушылықтың алдын алуға бағытталған профилактикалық жұмыстарды күшейтті. Негізгі назар кәмелетке толмағандардың түнгі уақытта заңды өкілдерінің еріп жүруінсіз ойын-сауық орындарында және тұрғын үйден тыс жерлерде болу фактілерін анықтауға аударылуда.
Жедел-профилактикалық іс-шара басталғалы бері түнгі уақытта заңды өкілінсіз жүрген жасөспірімдерге қатысты 130-дан астам әкімшілік хаттама толтырылды.
Сонымен қатар полиция қызметкерлері ата-аналармен және заңды өкілдермен түсіндіру жұмыстарын жүргізіп, кәмелетке толмағандардың қауіпсіздігіне жауапкершілікпен қараудың маңыздылығын ескертуде.
Полиция ата-аналарды балалардың бос уақытын бақылауға, олардың түнгі уақытта заңды өкілінсіз жүруіне жол бермеуге және қауіпсіздік талаптарын сақтауға шақырады.
Профилактикалық іс-шаралар барысында заң талаптарын бұзған тұлғалар қолданыстағы заңнамаға сәйкес жауапкершілікке тартылады.
https://www.instagram.com/reel/Dcbp_zhqrBi/?utm_source=ig_web_copy_link&igsi=MzRlODBiNWFlZA==
