ТАҒАЙЫНДАУ
Әйтеке би аудандық ауыл шаруашылығы және жер қатынастары бөлімінің басшысы лауазымына Сәтбай Азамат Төлебайұлы тағайындалды.
Азамат Төлебайұлы 1994 жылғы 8 қазанда Темірбек Жүргенов ауылында дүниеге келген. Жоғары білімді.
2014 жылы Қостанай гуманитарлық колледжін «Құқықтану» мамандығы бойынша, 2020 жылы Қ. Жұбанов атындағы Ақтөбе өңірлік университетін «Құқықтану» мамандығы бойынша тәмамдаған.
Еңбек жолын 2014 жылы Әйтеке би аудандық әділет басқармасында іс жүргізуші болып бастаған.
2015–2017 жылдары Құмқұдық ауылдық округі әкімі аппаратының жетекші маманы қызметін атқарды.
2019–2024 жылдары Әйтеке би аудандық ауыл шаруашылығы және жер қатынастары бөлімінің бас маманы болып еңбек етті.
2024 жылғы 22 қаңтардан бастап осы уақытқа дейін аталған бөлімнің жер қатынастары саласының меңгерушісі қызметін атқарып келді.
Азамат Төлебайұлы отбасылы, екі бала тәрбиелеп отыр.
