Құқық бұзушылық туралы енді eGov Mobile арқылы хабарлауға болады

eGov Mobile қосымшасында азаматтарға құқық бұзушылықтар туралы полицияға жедел хабарлауға мүмкіндік беретін «Заң және Тәртіп» цифрлық сервисі іске қосылды.

Сервис арқылы қоғамдық тәртіпті бұзу, отбасылық зорлық-зомбылық, жол-көлік оқиғалары және басқа да құқық бұзушылықтар туралы хабарлауға болады. Өтініштер тәулік бойы еліміздің барлық өңірінен қабылданып, полиция жедел әрекет етеді.