Қазақстан Республикасы Төтенше жағдайлар министрлігінің «Қазавиақұтқару» авиабөлімінің ұшқыштары Сергей Пинигин, Олег Алфеев және Айдар Мамырханов Шемонаиха ауданына жаңа туған нәрестені Өскемен қаласындағы медициналық мекемеге жеткізу үшін шұғыл ұшып шықты.
Ұшу барысында кішкентай науқастың жағдайын санитариялық авиация дәрігерлері Ботагөз Акашева мен Бек Асаубаев тұрақты бақылауда ұстады.
Ұшу сәтті өтті.
Санитариялық авиация рейстері төтенше жағдайларда жедел көмек көрсетуге мүмкіндік береді. Бұл әсіресе шалғай елді мекендердің тұрғындары үшін аса маңызды.
