Екі күнге созылған халықаралық дода өз мәресіне жетті. Batys KZ командасының спортшылары жоғары дайындықтарын көрсетіп, ел намысын абыроймен қорғап, жүлделі орындарға ие болды.
Жарысқа Батыс Азияның 8 елінен – Малайзия, Тайланд, Қырғызстан, Түрікменстан, Иран, Ресей, Үндістан және Қазақстаннан 500 спортшы қатысты.
✨ Жарыс қорытындысы:
🥇 Дүйсенбин Бауыржан
• 100 м еркін жүзу – 🥇
• 200 м еркін жүзу – 🥇
• 4×100 м аралас (mix) еркін стильдегі эстафета – 🥉
🏆 11–12 жас санатындағы “Үздік спортшы” атағының иегері!
🥇 Марат Алдияр
• 100 м брасс – 🥇
• 200 м брасс – 🥇
• 4×100 м аралас (mix) құрама эстафета – 🥉
🥈🥉 Қуандықова Айзере
• 50 м баттерфляй – 🥈
• 50 м брасс – 🥉
🏆 Командалық есепте Batys KZ командасы ІІІ орынға ие болды!
Бұл жетістіктер – спортшылардың табанды еңбегі, күнделікті жаттығуы мен жеңіске деген жігерінің нәтижесі. Сонымен қатар, әрбір медальдың артында бапкерлердің кәсіби еңбегі мен ата-аналардың қолдауы жатыр.
Жаңа белестерді бағындырып, халықаралық ареналарда Қазақстанның көк туын биікте желбірете берулеріңізге тілектеспіз! 🇰🇿
