24 қыркүйек күні аудан әкімі Айбек Купенов пен аудан прокуроры Ерлан Бахытовтың қатысуымен аудан кәсіпкерлерінің мәселелеріне арналған бірлескен жеке қабылдау өтті.
🔹Кездесудің негізгі мақсаты – кәсіпкерлік қызмет барысында туындайтын өзекті мәселелерді қарастыру, бизнес өкілдерінің заңды құқықтары мен мүдделерін қорғау, сондай-ақ кәсіпкерліктің дамуына кедергі келтіретін мәселелерді шешу жолдарын айқындау.
🔹Ашық диалог форматында өткен қабылдауда кәсіпкерлер әкімшілік және заңнамалық сипаттағы мәселелерді көтеріп, оларды шешуге қатысты ұсыныс-пікірлерін білдірді. Сонымен қатар аудан экономикасын дамытуға бағытталған жаңа кәсіпкерлік жобалар таныстырылды.
🔹Қабылдау қорытындысы бойынша көтерілген мәселелерді заң аясында шешу, кәсіпкерлердің құқықтарын қорғау және орын алған кедергілерді жою бағытында жауапты мемлекеттік органдар мен бөлім басшыларына тиісті тапсырмалар берілді.
🔹Шағын және орта бизнесті қолдау, кәсіпкерлікке қолайлы жағдай қалыптастыру бағытындағы жергілікті атқарушы және қадағалаушы органдардың бірлескен жұмысы алдағы уақытта да жүйелі түрде жалғасады.
