Қабанбай ауылының негізгі көшелерінің бірі – Абылайхан көшесінде су бұру жүйесін жақсарту мақсатында арықтарды тазалау жұмыстары жүргізіліп, арнайы латоктар орнатылды.
Қазіргі уақытта орнатылған латоктар арқылы су қалыпты ағып, су өткізу жүйесінің тиімді жұмысы қамтамасыз етілуде. Аталған жұмыстар көшенің санитарлық жағдайын жақсартуға, жауын-шашын және еріген қар суларын уақытылы ағызуға бағытталған.
Су бұру жүйелерін күтіп ұстау мен тазалау елді мекендердің инфрақұрылымын сақтауда маңызды рөл атқарады.
Қабанбай ауылының көркеюі мен тұрғындарға қолайлы орта қалыптастыру бағытындағы жұмыстар алдағы уақытта да жалғасатын болады.
