Тимирязев ауданында Қазақстан Республикасы Теміржол көлігі қызметкерлері күніне арналған салтанатты іс-шара өтті.
Аудан әкімі теміржол саласының қызметкерлері мен ардагерлерін кәсіби мерекелерімен құттықтап, адал еңбектері, жоғары кәсібиліктері, теміржол саласының дамуына және ауданның әлеуметтік-экономикалық өркендеуіне қосқан елеулі үлестері үшін шынайы алғысын білдірді.
Іс-шара барысында саладағы үздік қызметкерлерге көп жылғы адал еңбегі, өз міндеттеріне жауапкершілікпен қарағаны және кәсіби қызметінде қол жеткізген жетістіктері үшін Құрмет грамоталары, Алғыс хаттар және естелік медальдар табысталды.
