Қарағанды облысының прокуроры М. Тлеубердиев ауданымызға жұмыс сапарымен келді.
Сапар барысында облыс прокуроры аудан активінің алдында Шет ауданының жаңадан тағайындалған прокуроры Дархан Берікұлы Булекбаевты таныстырды.
Кездесуде аудан әкімі М.Мұхтаров өңірдің әлеуметтік-экономикалық ахуалы мен даму барысы туралы баяндап, заңдылық пен құқықтық тәртіпті қамтамасыз ету мәселелері талқыланды.
Сондай-ақ сапар аясында облыс прокуроры тұрғындарды жеке мәселелері бойынша қабылдап, азаматтардың ұсыныс-өтініштерін тыңдады.
