2026 жылғы 27 шілдеде Қазақстан Республикасындағы Адам құқықтары жөніндегі уәкілдің Шымкент қаласы бойынша өкілі Н. Абдезов ҚР ІІМ ҚАЖК-нің №69 мекемесінің басшысымен және денсаулық сақтау өкілімен бірлескен жеке қабылдау өткізді.
Қабылдау барысында сотталған азаматтың өтініштері мен арыз-шағымдары тыңдалып, құқықтары мен заңды мүдделеріне қатысты мәселелер жан-жақты қаралды.
Әрбір сауалға заң аясында жауап беріліп, қолданыстағы заңнама талаптарына сәйкес құқықтық түсіндірмелер ұсынылды. Сонымен қатар, «Қазақстан Республикасындағы Адам құқықтары жөніндегі уәкіл туралы» Қазақстан Республикасы Конституциялық заңының 13-бабы 4-тармағының 2) тармақшасына сәйкес азаматтардың өз құқықтары мен бостандықтарын қорғаудың заңда көзделген тәсілдері түсіндірілді.
