Шымкент қаласында «TEN QOGAM» әлеуметтік қолдау орталығында «Қарызсыз қоғам» жобасы аясында тұрғындардың қаржылық сауаттылығын арттыруға бағытталған дөңгелек үстел өтті. Іс-шараға Шымкент қаласы Әділет департаментінің қызметкері және жеке сот орындаушысы қатысып, азаматтарға құқықтық мәселелер бойынша түсіндіру жұмыстарын жүргізді.
Кездесу барысында қарыздық міндеттемелерді орындау, атқарушылық іс жүргізу, берешекті өтеу тәртібі, борышкерлердің құқықтары мен міндеттері, сондай-ақ қарыздың алдын алу мәселелері талқыланды. Қатысушылар өздерін қызықтырған сұрақтарын қойып, мамандардан нақты құқықтық кеңестер алды.
