Кеңгір ауылы тұрғындарымен кездесу хаттамасы
Төрағалық еткен: Жезқазған қаласының әкімі – Қ.Шайжанов
Қатысқандар: Мемлекеттік мекемелердің басшылары (тізім бойынша), Кеңгір селосының әкімі, мектеп директоры, БАҚ өкілдері мен ауыл тұрғындары (34 адам).
Сөз сөйлегендер және сұрақ-жауап:
Оңғарбаева Қымбат (Кеңгір ауылының тұрғыны):
Сұрақ: Кеңгір ауылында балабақша қашан салынады?
Қ.Шайжановтың жауабы: Қазіргі таңда балабақша құжаттары экспертизадан өтуде. Оң шешімін алған соң қаражат қарастырылады. (Кеңгір селосының әкімі Р.Ш. Есмағанбетовке тапсырылды).
Аманжолова Сәуле Сапарқызы (Кеңгір ауылының тұрғыны):
Сұрақ: Жаңа амбулатория ғимараты іске қосылсын.
Қ.Шайжановтың жауабы: Қазіргі таңда барлық жұмыстар аяқталды, құрал-жабдықтар жеткізіліп, орнатылуда.
Мағзұмов Қадыркен Бәйдірахманұлы (Кеңгір ауылының тұрғыны):
Сұрақ: Ауылымызға көгілдір отын келіп қуанып қалдық. Ендігі сұрақ, осы есептегіш құралдар барлық тұрғындарға тегін беріледі ме?
Қ.Шайжановтың жауабы: Ауылға орталық газ құбырларын тарту жобасына сәйкес, әкімшілік-қалалық тұрғын-үй бөлімі арқылы барлық тұрғындарға есептегіш құралдары тегін беріледі.
Ахмет Айтболат Асқарұлы (Кеңгір ауылының тұрғыны):
Сұрақ: Ауыл ішіндегі көше атаулары қазақшаланса.
Қ.Шайжановтың жауабы: Әкімшілік тарапынан барлық орыс тіліндегі қалған 3 көше атауларына қазақша атаулар ұсынылып, халықтық мәдениет және тілдерді дамыту бөліміне тапсырылды.
Кеңгір селосының әкімі: Р.Есмағанбетов
