Гепатит А – бауырды зақымдайтын жұқпалы вирустық ауру. Аурудың негізгі таралу жолы – лас қол, сапасыз су және ластанған тағам арқылы.
Ауру белгілері: әлсіздік, дене қызуының көтерілуі, тәбеттің жоғалуы, тері мен көздің сарғаюы.
Алдын алу шаралары:
1. Жеке гигиенаны сақтаңыз: қолыңызды тамақ алдында және дәретханадан кейін сабындап жуыңыз.
2. Таза ауыз су пайдаланыңыз. Қайнатылмаған суды ішпеңіз.
3. Жеміс-жидек пен көкөністі мұқият жуыңыз.
4. Тамақты толық пісіріп жеңіз.
5. Қоғамдық орындарда және асханада тазалыққа мән беріңіз.
6. Гепатит А-ға қарсы вакцина егу – ең тиімді қорғаныс.
Белгілер байқалса, өз бетіңізше ем қолданбай, дәрігерге жүгініңіз.
