Қазақстан Республикасы Төтенше жағдайлар министрлігінің Өнеркәсіптік қауіпсіздік комитеті·Жаңалықтар мұрағаты
«Қазкат» зауытында Ұлытау облысы ТЖД Өнеркәсіптік қауіпсіздік басқармасы мемлекеттік инспекторының қатысуымен оқу-жаттығу жиыны өтті. Шара «Ацетилен генераторында кальций карбидінің бақылаусыз ыдырау процесі» тақырыбында ұйымдастырылды. Жаттығу барысында персоналдың шартты оқиғаны оқшаулау, кәсіпорын қызметтері мен авариялық-құтқару құрамаларының өзара іс-қимылы, сондай-ақ жедел әрекет ету тәртібі пысықталды. Нәтижесінде комиссия өкілдері кемшіліктер анықталмағанын растап, нысанның төтенше жағдайға дайындық деңгейіне оң баға берді.
