Астана қаласы ТЖД Өнеркәсіптік қауіпсіздік басқармасы прекурсорларды сақтауға арналған өндірістік-техникалық базада бақылау іс-шараларын өткізді.Тексеру Қазақстан Республикасы Ішкі істер министрлігінің сұраухаты негізінде, прекурсорлар айналымы бойынша лицензияланатын қызмет түріне рұқсат беруге қажетті қорытынды әзірлеу мақсатында ұйымдастырылды.
Мемлекеттік инспекторлар нысанның өнеркәсіптік қауіпсіздік саласындағы заңнама талаптарына сәйкестігін бағалады. Сонымен қатар, мекеме қызметкерлері мен жауапты тұлғаларға қауіпсіздік нормаларын қатаң сақтау және өндірістік үдеріс барысында туындайтын тәуекелдердің алдын алу бойынша түсіндіру жұмыстары жүргізілді.
