Бейнеу ауданы полиция бөлімі бастығының орынбасары, полиция майоры Б. Төлегенов Ішкі істер органдарының жоғары оқу орындарына оқуға түсуге ниет білдірген талапкерлермен және олардың ата-аналарымен кездесу өткізді.
Кездесу барысында қатысушыларға ведомстволық жоғары оқу орындарына қабылдау тәртібі, құжаттарды рәсімдеу кезеңдері, дене даярлығы нормативтері және үміткерлерге қойылатын негізгі талаптар жан-жақты түсіндірілді.
Сондай-ақ, талапкерлер мен олардың ата-аналары тарапынан қойылған сұрақтарға толыққанды жауап беріліп, болашақ полиция қызметкерлеріне мамандықтың ерекшеліктері, қызметтің артықшылықтары мен жүктелетін жауапкершілік туралы кеңінен ақпарат ұсынылды.
Іс-шараның мақсаты – жастардың құқық қорғау органдарындағы қызметке деген қызығушылығын арттыру, кәсіби бағдар беру және Ішкі істер органдарының жоғары оқу орындарына түсу тәртібі жөнінде жан-жақты ақпараттандыру.
