«Ақиқат пен жалған» – танымдық семинар-тренинг

    1 / 4

    17 қараша күні Теректі ауданының жұмыспен қамту және әлеуметтік бағдарламалар бөлімінің мемлекеттік әлеуметтік тапсырысы аясында «Сенім» отбасы орталығының жетекшісі Қайрекенова А.Қ.-ның ұйымдастыруымен БҚО бойынша ҚАЖД Теректі ауданының №1 пробация қызметінің есебінде тұрған азаматтарды қоғамға бейімдеуге бағытталған тәрбиелік мәні зор семинар-тренинг өткізілді.

    Іс-шараның негізгі мақсаты – қатысушылардың өмірге деген оң көзқарасын қалыптастыру, дұрыс шешім қабылдауға бағыттау, сондай-ақ адалдықтың, жауапкершіліктің және өз іс-әрекетіне саналы түрде қараудың маңыздылығын түсіндіру.

    Тренинг аяқталғаннан кейін сотталған азаматтар спорттық іс-шараға қатысып, футбол ойнады.

    Сонымен қатар, «Аманат-Жайық» қоғамдық қорының теологы Адайхан Бағдат Қанатұлы діни сауаттылықты арттыру, дәстүрлі діни құндылықтарды түсіндіру және азаматтардың түрлі деструктивті діни ағымдардың ықпалына түсуінің алдын алу бағытында ақпараттық-түсіндіру жұмыстарын жүргізді.

    Осындай іс-шаралар азаматтардың қоғамға бейімделуіне, салауатты өмір салтын ұстануына, рухани дамуына және өз күшіне деген сенімін нығайтуға оң ықпал етеді.

    Іс-шара соңында қатысушылар алғыс хаттармен және естелік сыйлықтармен марапатталды.

    Басты мақсат – қолдау көрсету, дұрыс өмірлік бағыт-бағдар беру және әрбір азаматқа қоғамның толыққанды мүшесі ретінде қайта оралуға мүмкіндік жасау!

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Батыс Қазақстан облысы бойынша Қылмыстық-атқару жүйесі департаменті" жаңалықтары