IV Халықаралық Каспий цифрлық форумы аясында (Каспийск қаласы, Дағыстан Республикасы) Қазақстан Республикасының Астрахань қаласындағы Бас консулы Қанат Хасенов Дағыстан Республикасының Басшысы Федор Щукинмен кездесті.
Тараптар сауда-экономикалық байланыстарды және мәдени-гуманитарлық өзара іс-қимылды кеңейтуге баса назар аудара отырып, аймақаралық Қазақстан-Ресей ынтымақтастығының негізгі бағыттарын талқылады.
Аймақтық экономикалық байланыстарды одан әрі кеңейту және тауар айналымын арттыруға бағытталған нақты өзара тиімді жобаларды іске асыру бойынша жұмысты жалғастыру туралы келісімге қол жеткізілді.
Дағыстан Республикасы мен Маңғыстау және Атырау облыстарының әкімдіктері арасындағы қолданыстағы берік құқықтық базаны ескере отырып, қолданыстағы келісімдерді іс жүзінде жүзеге асыруға және Қазақстанның осы аймақтарымен жол картасын әзірлеу мәселесін пысықтау ұсынылды.
Кездесу қорытындысы бойынша тараптар аймақтық деңгейде ынтымақтастықты дамытуға және үкімет пен бизнес құрылымдары арасында тікелей байланыстар орнатуға өзара даярлығын растады.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
