Көру қабілеті бұзылған адамдар үшін ғимараттар мен қоғамдық кеңістіктерде дербес әрі қауіпсіз бағдарлана алу мүмкіндігін қамтамасыз ету маңызды.
Осы мақсатта объектілерде тактильді бағыттаушы және ескерткіш жолақтар, мнемосхемалар және қолжетімді ақпараттық көрсеткіштер көзделеді.
Тактильді жолақтардың негізгі түрлері:
* Бағыттаушы жолақтар — қозғалыс бағытын анықтауға, қажетті үй-жайлар мен қызмет көрсету аймақтарын табуға көмектеседі.
* Ескерткіш жолақтар — әлеуетті қауіпті жерлерге жақындағанын хабарлайды: баспалдақтар, биіктік айырмашылығы, есік жақтаулары және басқа да кедергілер.
Мнемосхемалар — көру қабілеті бұзылған адамдарға үй-жайлардың орналасуы мен қозғалыс бағыттарымен өз бетінше танысуға мүмкіндік беретін ғимараттардың тактильді жоспарлары.
Объектілерді жабдықтау кезінде мыналарға назар аудару қажет:
* тактильді жолақтардың дұрыс орналастырылуына;
* қозғалыс бағыттарының үздіксіздігіне;
* қажетті жерлерде ескерткіш элементтердің болуына;
* тактильді элементтердің еден жабынына қатысты контрастылығына;
* мнемосхемаларды орналастыру қолжетімділігіне;
* Брайль қарпімен жазылған ақпараттың болуына.
Маңызды! Тактильді жолақтардың болуы өздігінен объектінің қолжетімділігін кепілдендірмейді. Басты нәрсе — олардың дұрыс орналастырылуы және қозғалыстың қауіпсіз әрі үздіксіз бағытын қамтамасыз ету.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
