Бизнеске арналған депозиттердің түрлері және оларды банкте ашудың негізгі мақсаттары

Кәсіпкерлер бос қаражатты қосымша табыс алу үшін пайдалануға болатынын жақсы біледі. Ол үшін олар түрлі қаржы құралдарын қарастырады.

Осындай құралдардың бірі – банкте ашылатын бизнеске арналған депозит. Бұл – кәсіпорынның немесе компанияның қаражатын белгілі бір мерзімге банк шотына орналастырып, пайыз түрінде табыс алу тәсілі.

Кәсіпкерлерге депозит не үшін қажет?

Бизнеске арналған депозит бірнеше жағдайда тиімді болуы мүмкін. Олардың негізгісін қарастырайық:

• Компанияда операциялық қызметте уақытша пайдаланылмайтын бос қаражат пайда болса;
• Белгілі бір қаржылық мақсатқа жету үшін қаражат жинау қажет болса;
• Кәсіпкер компанияның уақытша бос қаражатынан, тіпті қысқа мерзімге орналастырған жағдайда да, қосымша табыс алғысы келсе.

Сонымен қатар депозит қаражатты инфляциядан қорғауға көмектесуі мүмкін. Алайда оның нәтижесі депозит мөлшерлемесіне және жалпы экономикалық жағдайға байланысты. Алынатын табыс сомасы салым көлеміне, орналастыру мерзіміне және пайыздық мөлшерлемеге тәуелді.

Бизнеске арналған депозит түрлері: қысқаша шолу

Кәсіпкерлер депозиттің бірнеше түрін таңдай алады. Олардың бірі – қаражат белгілі бір мерзімге бір реттік салым арқылы орналастырылатын мерзімді депозит.

Мысалы, Halyk банкінде мұндай депозиттің мерзімі 1 күннен 3 жылға дейін. Депозитті қосымша толықтыруға және қаражаттың бір бөлігін мерзімінен бұрын алуға болмайды. Сыйақы ай сайын немесе шарт мерзімі аяқталған кезде төленуі мүмкін.

Сондай-ақ депозиттің икемді түрлері бар. Олардың шарттары бойынша шотты қосымша толықтыруға және қаражаттың бір бөлігін алуға мүмкіндік қарастырылған.

Үшінші түрі – жинақ депозиті. Оның шарттарына сәйкес, алдымен бастапқы сома салынады, одан кейін депозитті қосымша толықтыруға болады. Әрбір қосымша салымға сыйақы жеке есептеледі.

Аталған депозит түрлерінің барлығы Halyk банкінде қолжетімді. Halyk – 100 жылдан астам тарихы бар, Қазақстандағы ең ірі банктердің бірі. Банкке 460 мыңнан астам заңды тұлға клиент сенім артады.

Бизнеске арналған қолжетімді депозиттер туралы толығырақ ақпарат алу үшін банктің ресми сайтына кіріңіз немесе байланыс орталығы арқылы банк өкілдеріне хабарласыңыз.