Радикалды идеялардың ықпалына түспеу және арбау әрекеттерін қалай ажыратуға болады? Елорда мектептері мен жоғары және арнаулы оқу орындарының білім алушыларына арналған профилактикалық кездесулерде осы мәселелер басты назарға алынды.
Ақпараттық-түсіндіру іс-шаралары Т. Айбергенов атындағы № 16 мектепте, Л. Гумилев атындағы Еуразия ұлттық университетінде, Урбан колледжінде, «Томирис» медициналық колледжінде және Қ. Құлажанов атындағы Қазақ технология және бизнес университетінде өтті.
Алты кездесу аясында 345 білім алушы қамтылды. Жастарды радикалды діни ағымдарға тарту тәсілдері, діни сауаттылықты арттыру және ақпаратқа сыни көзқарас қалыптастыру мәселелеріне басымдық берілді.
Әлеуметтік желілер арқылы ақпарат кеңінен таралатын қазіргі кезеңде мұндай кездесулердің маңызы ерекше. Өйткені жастар интернет кеңістігінде идеологиялық айла-шарғыға тап болуы мүмкін.
Кездесулер білім алушыларға діни қауіпсіздік мәселелері бойынша түсініктеме алып, радикалды ықпалға қарсы тұру жолдарымен танысуға мүмкіндік берді.
Осындай профилактикалық жұмыс жастардың саналы азаматтық ұстанымын қалыптастыруға және экстремистік идеологияға қарсы тұру қабілетін нығайтуға ықпал етеді.
Материал Астана қаласы ТҚК аппаратының ақпараты негізінде дайындалды
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
